[صقر الحجاز]

يا زمان العجايب وش بعد ما ظهر

كل ما قلت هانت جد علم جديد

إن حكينا ندمنا وان سكتنا قهر

بين قلب عطيب وبين راس عنيد

لو تفيد المدامع كان اسيل نهر

مير كثر التوجد والدمع ما يفيد

اصبر ايام واشهر واتصبر دهر

وان حصل لي مناتي جيت لوني بعيد

ارجي الله وارقب كل طالع شهر

يجلي الهم عني او عسى ما يزيد

يا غزال فضوح الزين عنه اشتهر

في عيوني ملاك ووسط قلبي وحيد

مخطي اللي يشبه وجنتك بالزهر

الزهر ماله رماح تصيب وتصيد

لو جحدت المحبه سقم حالي جهر

مير كل قلب ياصل اللي يريد