[ابو عادل]

دعوة دعوة دعوة دعوة دعوة

[POEM="type=1 title="دعوة" font="bold large Tahoma, Verdana, Arial, Helvetica, sans-serif""]ياسلام الله سلام اسلام في مبداه سنة=عد ماتبدي النجوم الي يهوَلنا عددها
ماضي الأيام والفرسان في شنَة ورنّة=والخيول المسرجة ماصفَدوا بالقيد يدها
ودارت الدنيا على ميدانها واصبح مجنَة=والمجنة ماتعلَم كم جنازة في لحدها
علموني حلم والا علم والا فيه ظنَة=مايزيد احزان الأم الا عقوقِ من ولدها
ماعقلها غير شايبها ولو مع كبر سنَه= لانَه اللي لاتورَى يصعد العليا صعدها
نادوا النادر وبن سلمان ماعنكم وعنَه= ونادوا ا بن داخل بذاته ولو ذاته جلدها
وخابر(ن) لي نجم ساهر في السما والنور منَه=شعَ ونجوم السما ماتلتفت للي حسدها
هاتوا الشيهان وابن مساعد وقولوا له انَه=له طلب فالمقبلة والمقبلات امرَ وادهى
ياحسن عابد تعال انت وسيوفك والأسنَة=والسيوف الحدب تلمع في يدين اللي جردها
لو مراويح السحاب تحوَل الواحات جنَة=أثمرت وثمارها وظلالها تكفي بلدها
وانت وينك ياسنا الهجرة ومحماسه وبنَه =والدلال اللي على ذوقه لضيفانه قندها
قلَط ضيوفك ودير الدَول مالك فيه منَة=واجب الحلَة عليكم وانت واحد من عمدها
غبت عنكم غيبة اللي له ظروف(ن) مشغلنَه=وجيتكم فالغيمة اللي برقها سبَة رعدها
والسنابل مايلة فوق العقوم ومستكنَة=بشروها بالحصاد وباركوا للي حصدها
دعوتي ماتنقصر عن كل من يرقى بفنَه=والقلوب البيض ماتسهر تعقَد في عقدها[/POEM]