[ابوسيفين]

مرحبا سهيل والحقيقه اني غبت خلال الاسبوع الماضي في جوله وارسل لي من ارسل بأن ربعك عندهم علوووم كثيره وانه (( يابالفيتات )) إن فيها حارش ومارش قلت لخويي مع نفسك أنا رجال ماحب الفرعه وليا تهاوشوا اثنين من عيالي دخّلتهم في غرفه إلين ينادوني كلّهم طالبين الخروج

ماعلينا والله ان علومك زينه وابو عبدالرحمن ربطك مع المصدر لكنه على ماقالو (( زي المويه فالدحديره )) ماينمسك 0 وانا في مشواري مريت على الجماعه هناك وشفت الحارث قاعد على (( كرويته )) في آخر ((الزقاق )) ومدلدل برجوله ويناحل مع واحد من جيرانه جالس على عتبت بابه فالجهه المقابله وفي مشواري سمعت لي كم (( هرجه )) يمكن تصلح لموضوعك

بعد سلّمت عليه قلت ماشاء الله قاعدوك قال شوف ياواد ((لاتتمطنز)) علينا ماسمعت المثل اللي يقول (( اذا حلقوا لغيرك بل راسك واستنى )) قلتله لا العلووم تغيّرت وفلان قال لي انه يبيصدر نظام بتمديد الخدمه قام يضحك إلين بغى يطيح من على الكرويته قال لاتقلي فلان ولافلتان اصلوا صاحبك هذا اش عرّفه (( وش عرّف الحمير أكل الجنزبيل )) قلت له افا ترى الرجال قريب من مصادر العلم قال والله من يدري (( حمار الحكومه حكومه )) بس تبغى العلم اللي يجمد على الشارب (( الله من رحمته فعبيدو جعل الرزق بيدو )) وانت ساير صاحبك وعلى ماقال (( على قد زيتو سرّج لو )) وسلامتك طال عمرك والقرّاء 0