[النادر]

المشاركة الأصلية كتبت بواسطة سهيل2012

بسم الله الرحمن الرحيم

السلام عليكم ورحمة الله وبركاته , وأسعدكم الله في جميع الأوقات وكل عام وأنتم بخير

.. أهنئ صديقي وصاحبي الشاعر النادر العقيد / عبدالله علي الثمالي على الرتبه

الجديدة والمستحقه .. والعذر والسموحه على التأخير يا أبا عماد ..

.

اللي نقص من صاحبي حمدان قيدوم الرجال
مكمّله عبدالله ابن ابوه راع المرجله

حمدان ابو سيفين ونعدّه من كرام السبال
بنى له مجد في نجد ومكانة شيخ ومنزله

واخوه اللي بشرق المملكه يبني ولا يزال
عطوه النجمتين وتاج جمّلها وتجمّله

مبروك يا عبدالله النادر حلالن من حلال
أنته تجمّل في اللوازم والحقوق مكمّله

أنا أشهد انك طيّب السيره ووافي بالخصال
ياللي على درب المراجل زاحم وساق جمله

شهادة ٍ ما أبغى وراها لا جنيه ولا ريال
من قلب صادق قلتها في حق راع الأوله

سهيل مع حمدان جا مابينهم مثل الجدال
واللي سمعهم ظن ظن وقال يوجد مشكله

مامن مشاكل كلها حول الهنوف أم الدلال
اللي خطبها سهيل وأعطاها الكحل والمكحله

من بعْدَهَا شايف صديق سهيل يبري فالخلال
ويعيد موال الشياه من آخره ومن أوله

أنا تحديته يجاوبني على هاك السؤال
وأظن مايقدر يخاف انه يجازى بعمله

..دوغان في (نبع العرب) صرح وهدد ثم قال
لكنْ تراجعْ غصبْ يخشى انه يقع في مشكله

تمت القصيدة .. وكل عام وأنتم بخير وسلامتكم ..
أخوكم / أبو أحمد .

الحمد لله العلي اللي على عرش الجلال
الواحد اللي كامل فال>ات ماشي كمله

والحمد لله العلي اللي ا>ا شاء تعال
انزل على عبده نعمه وللمواقف اهله

والشكر لاصحاب القلوب الصافيه من كل ال
اللي على الوقفات والفزعات دايم زاهله

والشكر لسهيل المنور فالقلوب وفالليال
وعوايد الاجواد مات>خر عن الوافي صله

وان كان جاب العيد يوم العيد في حشوالمقال
لمناه غر الدرب لو كان ماهو يجهله

وان كان قصدك فالعجاف اللي غدت مضرب مثال
الناس قالت فالحكم الرجل يجزا بعمله

والوضع تبريكه وماقف طيب وانته من رجال
غالين والغالي من الوافين ياخ> منزله

وختامها صلوا على افضل نبي واخير آل
لان الصلاة فاخر الاقوال مثل البسمله