[كايد بن ثابت]

الجمس الجمس الجمس الجمس الجمس

[poem="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

قم يانديبي واعتنق طارة الجمس = الموتر اللي يعشقه مرهف الحس
لونه حمر ومسنن فيه دفرنس = يا ماحلا مسراه في داجي الليل
احكم له المفتاح داخل سوشته = سلفه مدرب كن صقرا زهمته
يطربك صوته حينها لا دعسته = شدت بلاده كل شي(ن) بتكميل
فيه المحرك محكمات بلوفه = وهاج شكمانه ليا اقفى تشوفه
ولو نمرته باثنين تسمع عزوفه = يجرها بالحان طرق ومواويل
له داخليه مثل دم الغزالي = وتصميم طبلونه يفوق الخيالي
والا المكيف مثل برد الشمالي = وش عاد لو بذكر جميع التفاصيل
فل التوانك فل (95) = ما يقبل التخفيض (91)
طبعه عنيد الطبع (79) = ما عاقته طول المسافات والميل
وجه له التمثال لديار الاصحاب = اهل الكرم واهل الشيم والترحاب
اهل المراجل من عريبين الانساب = ويكرمون الضيف من طيب الهيل
ملفاك ابو رداد زين العوايد = الصاحب اللي للمعاريف قايد
راعي الصفات النادرات الشوايد = شيخ المجالس لا تباهوا الرياجيل
لامن وصلت اقلط وعرف بنفسك = قله انا مرسول شخص(ن) يودك
ابو عناد الصاحب اللي يعزك = مرسل سلامه عد برق المخاييل
ينشد عن احول الجماعة والاخوان = والديرة اللي لشوفها حيل شفقان
يازين ممشاها ليا كنت طفشان = يالله عسى وديانها ترتوي السيل
الوقت مر وكنه امس المعدي = وانا امسح العبرات من فوق خدي
منها رضى والباقيه بالتحدي = ولن ضاق بي خاطر جلبت المعاميل
رسلانتن تحوي من البن مقدار = إبهارها من هيل صافي ومسمار
متنحي (ن) بالبر في وسط مخظار = وافكار بالي فالليالي المقابيل
ياصاحبي ما اعطيت نفسي هواها = والهينه ما كنت يوم فرجاها
والمقفيه تقفي ولا اتبع وراها = وخير الشهادة منك يا موفي الكيل
لجل المخاوي نفدي ارقاب وارواح = ميقافنا دونه مثل درع وسلاح
نحفظ له التقدير لن جا ولن راح = وناخذ بشورة في حقوق ومعاديل
ما يوم فغيابه نكثنا عهوده = وإلا تقفينا وبحنا سدوده
نعرف موازين الكلام وحدوده = متوارثين العرف جيل بعد جيل
الله يقدرنا على زين الافعال = ونرد بعض الدين ياطيب الفال
وصلاة ربي عد ما هل همال = على النبي المبعوث رحمة وتأويل
[/poem]