ياذيب ياذيب ياذيب ياذيب ياذيب
سلام لابن العم والخال والجد
ونعم بالاسم اللي تحدر من الازد
بافعالكم ترقون في سلم المجد
ماضي وحاضر طيبكم صار عنوان
الصدق يضفي فالوجيه النضارة
والعدل يالثملان نرفع شعاره
والزود مانرضاه ماهو شطارة
يقولها عاشق ومغرم وولهان
ولهان لرجال يجي في كنفهم
يسلك مسالكهم ويعمل عملهم
ولو كان ماينسب لهم في نسبهم
يعزهم ويودهم مثل الاخوان
قادتني الخطوة وجيتك على الطيب
وشد انتباهي يوم سجلت ترحيب
ياذيب من سماك ماخاب ياذيب
النص واضح والجنازه لها شان
واثني الوفا والود للمشرفينا
اللي على وضح النقا مبدعينا
جودة وحكمة في عملهم تبينا
الله يثبتهم على الطيب يافلان
وختامها صلاة ربي وتسليم
على النبي الهاشمي مانشى غيم
وماغرد القمري بصوت وترنيم
ياصحابنا واحبابنا بكل الاوطان