رد السلام اجره لمن يبتدي به
اللي سبق للعالمينا بطيبه
حاشا وكلا ضيفنا مانعيبه
وترحيبنا مايكفي اليوم ديوان
يانجم ياساهر بتضوي سمانا
نورك كشف وسط العتايم عمانا
احنا كماك انته وانته كمانا
قهوتك ماهي بن في وسط فنجان
قهوتك ماهي من براريد ودلال
قهوتك دم القلب لاصار همال
وبين الحنايا ابشر بخير منزال
ياخير زاير في خفوقي بالأزمان
بلسان ربعي احتفي بك وأهلي
ياللي بمقدمك البلاوي تولي
عندك سوالف ياخليلي تسلي
وتطفي بصدري من لواهيب نيران
منك الفوايد ياسليل المغاوير
با ابن الرجال العاقله والمناعير
في صحبتك تقصر طوال المشاوير
وأحنا على هالمنتدى خير الأعوان