[منقاش]

ياربعي ويش ريكم في هالعلوم اللي ربما لا تسر الكثير منكم , وان سرت أحد فالمؤكد أن المخاوي اولهم ...
اليوم بعد قمت الصبح غسلت وجهي وشربت من القهوه العربيه والكبتشينو بعد خلطتها على بعضها لأنه ما يقعد راسي الا هالخلطه , ثم اتصلت على حفيدي الخامس اللي يفصل ما بيني وبينه ميه وثمانين عام وعلمت له عن فتنكم على القريه والمدينه ثم سعلته عن علوم واحوال بلاد ثماله في عصرهم ؟.
ضحك ضحكة أستغراب وقال : أنا يا جد جد جد جد جدي ما أعرف من ثماله الا أسمها لأني من مواليد الأرض المقدسه , لكن جدي الله يرحمه أطراها لنا في طرف علومه وذكر لنا أن فيه منتدى فيه شوية تلابيه علوم عن تاريخ القبيله وفيه صور قديمه ولا زال موجود على الشبكات الحاسوبيه ..
لكني تعرفت على ثمالي أسمه رشاش من بقايا ثماله في الطايف زار الأراضي المقدسه قبل فتره , وخليني هالحين أحطه معك على الهوى لعلك تلقى عنده جواب لسعالاتك .
دخل معنا رشاش على الهوى وعلم لنا بعلوم كثيره ما ودي أبديها على أحد لا صديق ولا عدو من أهل هذا الزمان , لكنه بعد سألته عن حال الديره ؟ , ,,, وبقي فيها أحد من الجماعه يزرع والا يقلع والا لا ؟؟.جاوبني مستغرب وقال :
يا علوم السعه , كلها أصبحت شعاب واوديه فاضيه الامن بعض الباديه الرحل اللي فيهم الفارسي والأثيوبي والعربي والهندي الأحمر والأسمر والكوبي والكوري وغيرهم , ولاأظن بينهم ولو ثمالي واحد , وبأختصار البيار والبلاد اللي ذكرت لنا من أجدادنا ما منها اليوم شي يذكر الا وشي رسوم بالكاد تنكرها سمعنا أنه يجي الى على حدها بعض هواة الأثار ينقبون فيها وينقبون معها في خربه لآل المقداد او المكداد ذكر أن تحتها آثار ونقوش مطموره وورد ذكرها في منتدى ثماله التاريخي ......
قاطعته وقلت , يا رشاش ويش هالخضرطه اللي تقولها ,, وويش جاب الهندي والأفندي لديارنا ؟, زعل رشاش من كلامي وقفل السماعه ..
عودت على حفيدي الخامس وسعلته , أنت يا حفيد في أي الأراضي المقدسه ؟ , أعني أنت بمكه والا بالمدينه ؟.ومن فضلك قلي ويش خرب بلاد ثماله ؟..
رد وقال : أنا من سكان عاصمة الخلافه في بيت المقدس العامره , وان كنت تبكي على خراب بلاد ثماله ليش ما تبكي اول كل البواكي على خراب المدينه المنوره ؟.
قاطعته وقلت , أقطع واخس , المدينه ما يمكن تخرب الى قيام الساعه ..
رد عليه برد وقفل السماعه في وجهي بعد قال :
ما تكبك من طوالة اللسان , ولو كنتم تقرون من كلام النبوه شي كان عرفتم أن عمران بيت المقدس هو خراب يثرب ..
وانتهت المكالمه مع الحفيد قبل أسأله عن سبب خراب المدينه أن كا بسبب براكينها والا بسبب سلاح مدمر رماه عليها أهل الكفر والنفاق ؟؟ , وانساني هم خراب المدينه هم خراب كل البلدان حتى لو كانت بلاد ثماله واحده منها ...