[رويعي الغنم]

أخي اليماني الشاعر سهيل حفظه الله : بلغنا سلامك للشيخ وبلغناه بالذيب اللي حط في قعر القليب , وبلغناه بتحذيرك له من البوتن والشر القريب ..
وهو من جانبه يرد عليك بحار السلام وطيب الكلام وعلى التحيه بأحسن منها ويقول بلغوا حليفي الحبيب بالتالي :
تطمن تطمن يا حليفي وكبر وسادتك وترى كل البواتنه حاطهم في حثلي , والمثل يقول أقرب من الخوف تأمن ..
أما (البيجانيين) فاللي قد جاهم هناهم وعرفوا بعده الخطوط الحمراء والحدود اللي ما يسمح لهم بتجاوزها , عرفوها بعد أعطاهم بوتن درس قاسي وحرك عليهم من الغرب أرمينيا حتى استولت على جزء كبير من بلادهم (أقليم ناقورني كرباخ) وطردت منه كل البواجي المساكين اللي تحولوا للاجئين , ثم زاد حذرهم وطلق بالثلاث من رقبة مرته أنهم لو ردوا بطلقه واحده على الأرمن أنه ما يرد عليهم الآ الجيش الروسي ولا يوقفه الا باكو..
واللي قهر البواجي أكثر بهالمشكله هو مساندة أيران الشيعيه المسلمه للأرمن المسيحيين ضد البواجي الشيعه ..
وهذا كله له أسباب ما يتكلم عنها الأعلام ولا يدري عنها كثير من الناس ..
ويش هي ؟ ..
بالنسبه لأيران السبب سهل فهمه وهو أن الرئيس السابق للبيجانيين أبتدا يعقد المؤتمرات في باكو بعد أستقلال بلاده مباشره وكان يدعي لها بعض زعماء البواجي من الجوار ومن كل أنحاء العالم , وهذا هو المطب اللي وقع فيه مع ايران , لأن بلاده كل سكانها في الداخل والخارج حوالي (9) مليون في الوقت اللي يوجد في ايران لوحدها ايرانيين من أصول أذريه يزيدون على(32) مليون وديارهم تغطي مساحات ضخمه خصوصا في الشمال الأيراني , من أجل كذه تحركت ايران حتى تحجم البيجانيين وتخلت عن اسلامها وعن شيعيتها ووقفت مع المعتدين المسيحيين الأرمن ضد الأذريين الشيعه المسلمين المظلومين.. يعني مقولة ايران الأسلاميه تبخرت وعودت حكي ..
أما بالنسبه لدوافع بوتن فهي عميقه واجد واجد ولا يفهمها كثير من دهاقنة السياسه والأعلام والمنظرين اللي يطلعون علينا صباح ومساء على شاشات التلفزه ويملون قاعات المحاضرات بالصخب والضجيج ..
بأختصار , روسيا مستهدفه من أخطبوط عالمي أو ما يسمى بأنصار النظام العالمي الجديد , الأخطبوط اللي ركع امريكا بعد قتل كثير من رؤساها وزعماها اللي قاوموا تسليم الخيط والمخيط , وركعوا مع أمريكا الغرب كله وباقي عليهم تركيع روسيا والصين حتى يدخل الجميع في حظيرة النظام العالمي الجديد ..
في هالجو المشحون أرتكب البيجانيين غلطه ما حسبوها صح لأنهم بعد أستقلالهم أستقبلوا بكل الحفاوه ذراع من أذرعة الأخطبوط واسم هالذراع الأخوات الثمان اللي تسببوا ويتسببون بكثير من الحروب والضروب في كل الأرض وروسيا تكره قربهم والساعه اللي يقتربون فيها, استقبلوهم وأعطوهم عقود البترول والغاز وغيرها من العقود وكانت هالخطوه هي القشه اللي قصمت ظهر البعير وطفحت المكيال وجاء الرد الروسي حالا عليها بتحريك أرمينيا عليهم من الغرب ..
قضية مظالم الأرمن وحقوقهم التاريخيه في الأقليم وتعاطف الأغلبيه الروسيه معهم بسبب الدين وصراعهم المر مع الخلافه العثمانيه وبالتالي كرههم لكل ما هو اسلامي كلها أسباب حقيقيه لكنها بالنسبه للحكومه الروسيه اللي حمت ظهور الأرمن وشجعتهم على مهاجمة البيجانيين دوافع ثانويه ولا هي مباشره في تفجير الصراع ..
بعباره ثانيه , العالم متوتر جدا ويخاتل بعضه في بعض وفي نفس الوقت يلتزمون بنفس استراتيجيتنا في المنتدى لضبط النفس , السياسه الأستراتيجيه اللي أرسى دعايمها ابو نقشه والقاضيه بمشيها ما دامت تمشي , لكن الطرفين وهم يمشونها ما دامت تمشي كانوا ولا زالوا يدفعون بخيولهم للأمام للتموضع في أحسن المواقع اللي تعطيهم أفضليه فيما لو خرجت الأمور عن السيطره وابت الأمور لا تمشي ودقر المنشار ونشب الصراع لا قدر الله , الصراع اللي ما أجله الى اليوم ألا الله ثم الخوف والرعب من الدمار المتبادل اللي رايح يحل بطرفي الصراع وبكل البشريه ..
خطة الأخطبوط الشيطاني تضمن أثارة ثلاث حروب عالميه تنتهي الأخيره منها بفاجعه بشريه يهلك فيها أغلب البشر ومن بقي منهم على قيد الحياه يصبحون في غاية التعب والأعياء والمعاناه , ووقتها تصبح البشريه من وجهة نظرالمتآمرين مهيأه لتقبل النظام العالمي الجديد بحكومه واحده وملك واحد هو الدجال اليهودي ومن عاصمه واحده وهي القدس يسيطرون منها على كل ثروات الأرض ومواردها البشريه ويوحدون العقايد الدينيه تحت عقيده واحده يعبد فيها الشيطان من دون الله ..
هذا الكلام مصادره غربيه ولا هي اسلاميه أو عربيه وبعضها ذكرها لكم المستعين بالله في حلقات ما وراء الأكمه وبعضها يملا شبكة المعلومات من مقالات ومحاضرات من ناس لهم وزن وثقل فكري يتكلمون فيها عن المؤامره العالميه الشيطانيه اللي قطع فيها المتآمرين شوط ومشوار كبير وكبير واجد ..
مكرالليل والنهارهذا اللي تظافرت على حبكه شياطين الجن والأنس دلايله وشواهده ما تخفى على اصحاب البصاير لكن الأمر من قبل ومن بعد وفي البدايه والنهايه كله بيد الله والله غالب على امره ولكن أكثر الناس لا يعلمون, وخططهم ما تخيفنا لكن الخوف كل الخوف هو من كثرة ذنوبنا فأن الله لا يغير ما بقوم حتى يغيروا ما بأنفسهم ...
منقاش يقول ما يقطع الراس الا من ركبه , واهل الأرض لو أجتمعوا على نفع بشر ما نفعوه ألا بشي كتبه الله له , ولو اجتمعوا على مضرة أحد ما ضروه الا بما كتب الله له , رفعت الأقلام وجفت الصحف , وسنة التدافع ماضيه الى قيام الساعه ...
أنتهى بيان الشيج ....