[منقاش]

تراني معلق عليك عاني يا عميد منتدى الحياة الفطريه ..
(تكفون يا ربعي , ناولوني باكوري خلوني أخبط به الفراش حتى تظلي عجاجة غباره من متن روس الحاضرين) ..
يا شيخ سلام عسى ربي يسلمك , ابو نقشه معلق عليك عنيه يبغيها تطفي الزريه وترد الحق على أهل المحقيه , معلق عليك عاني حتى تعطيني أنا والرويعي الحق من التهامي ابن همام حليف العرعره وكل العراريه.
ونص الدعوه : ماهي ألا سلامتكم وسلامة منتداكم وسلامة عمياتكم اللي ما جرت علينا في ساقتها ألا الفتن والأختلافات .
نحنا عرب كنا عافين كافين ما حشنا ولا نشنا لا تهامي ولا هامي, وأن نشنا أحد ما نشناه ألا بالطيب والعلم العجيب , وآخر طيبنا معك يا ابن همام يوم خطبنا لك ألأوكرانيه صاحبة اليخت الخماسي الدفع , واللي أنهى مكتبنا معها ومعه كل العلوم الشرعيه والفرعيه بكل صمت وسريه حسب الطلبيه , ولا بقي من التفاكر ألا قطع التذاكر والسفر والفرح والمرح والدخول بها والا عليها .
لكن بعد كل هالمعاريف , ويش جزاك يا مسمار (سنيمار)؟؟؟ .
مقابل هالمعاريف كلها , هذا هو ابن همام التهامي يعطينا كوع ثم يقوم ويقول يوم الله ما هداه والشيطان أغواه , ويوصف بدر الدجى وعرعرة المنتدى السرنديبي ورويعي الغنم الثمالي بعايلة ولد أم محمد ...
هذي يا ابن عمي هي نهاية معاريف مسمار مع التهامي..
وهالحين كبونا من العمياء وخلونا نروح للمفتحه , وهذا بيت مشرفنا العام ابو عبدالرحمن في منتزه ألأعرج مفروش ودربه مبروش , ولا نبي ناخذ الحق ونعطي المستحق ألا من على الفراش , هذا قياس علمي وسلامتكم ....