[منقاش]

عميد منتدى الرحلات , حليف العرعره , الشيخ ابو سيفين : الله يجعلك من السالمين الغانمين يا حليفي , ولا ألومك على ثناك على حليفك ابو نقشه اللي وصلت في أوصاف صنيعه مع قراء المنتدى بالأثره , والحقيقه أن بدر الدجى يحب المؤثرين وليس منهم , لكن , الله يلوم من يلومك , لأن المحب أعمى وربما أحول , وهذا ألأخير هو ألأخطر كما يقول القايلين , جعلها الله محبه دايمه في الله ولله .
وسرني أنك أخذت حذرك من الرويعي ومن ولد والدة أم محمد ,, لأن نصايحهم ما تخلو من خبث البدو , والا ليش يطلبون منك أخذ تاشيره ما فيه شي يوجبك تاخذها , في الوقت اللي تاشيرة السياحه تغني عنها , وتقوم مقامها ؟؟..
بخصوص ألأستثمار , يسعدني أني أسمع من أخويه ابو سيفين أن عنده رغبه وتوجه جاد في وضع بعض بيضه مع بيوضنا , أو على ألأقل الى جوار بيضنا في الزرب المجاور , ولا أدري ليش تواردت الخواطر في ذهني وأنا أكتب عن البيض والزروب , حتى تذكرت المثل المكاوي اللي يقول : (البيض الفاسد يتدردب على بعضه) , وبهالمناسبه , ليت أخواننا مكاوية العوالي يقنعوننا عمليا بصواب مثلهم , ويجيبون لنا بيضهم الفاسد مع السليم , ويدردبونها قدامنا على بعضها , حتى يثبتون لنا عمليا أن البيض الفاسد يتدردب على بعضه ..
والزبده : أبو نقشه ورفاقه عازمين بعد العيد أن شاء الله على التوجه لهاك الديار وربما معها السودان, وان رغبت في أخوتنا في السفر فهذا اللي نفضله, وان رغبت تنوبنا عنك فانت مخدوم محشوم.
وطلبك مجاب ويسعدني سماعه منك , وليتك تلقى معك غيرك من ألأعزاء أمثالك , وحتى نستكمل النقاش وتبادل الأراء والأفكار , هذا معك أدناه البريد ألألكتروني لحليفك ابو نقشه , راسلني عليه لا هنت , وشكرا :
Althomali1954@hotmail.com
Althomali1954@hotmail.com