[منقاش]

سلام يا ابن عمي يا ابن همام , وكثر الله من أمثالك , والله يسامحك اللي بعد كنا في حزه رحمانيه ودالهين جيتنا هالحين ببحثك وأوفيت بوعدك , وهذا الشي اللي ما نقدر نجاريك فيه واللي نبهت به الغافلين وذكرتهم بالوعود اللي قطعها أبو نقشه على نفسه ووعد فيها ربعه أنه يجلب لهم ألأمحوه حيه والا ميته , ثم زدت أحرجت معنا العمده حتى سار الرجل يصبح ويمسي وهو ما يفكر في شي غيرك يا حجر القرده , يعني عود أثر الوعد عليه مثل الدين , هم بالليل مذلة بالنهار ..
بخصوص ألتماسكم اللي ترجيتم واسترحمتم فيه ألأذن من العرعره بنشر مسلسل المفردات الثماليه , نفيدكم أنه لا مانع لدينا من نشرها , وفوقها حبه على راس خشمك يا ابن همام ورجا أنك تعجل بها علينا اليوم قبل بكره .
عجل بها علينا لا هنت وتقعر فيها الى أقصى حدود التقعر بقدر ما تقدر , وكلنا منصتين ورايح تلقى منا آذان صاغيه وقلوب واعيه وتفاعل مستمر معك من أول مفرده تفردها الى آخر مفرده تطرحها , وأصاله عنا نحن العرعره , ونيابه عن كل فرد من أفراد القبيله في المهجر وفي وادي جفن نشكركم جزيل الشكر على هذا العمل المثمر ..
بخصوص حليفي تأبط شرا , الله يهديه أن كان حي ويغفر له أن كان ميت ويجعل قتلاه من أهل الجنه ,, بخصوص هالرجال ترونه ماهو نشاز لا في الجاهليه اللي قبل ألأسلام ولا في الجاهليه اللي أستوطنت في بلاد ألأسلام بعد الأسلام , وأمثاله الى ما قبل مية عام كانوا موجودين ويغيرون ويسلبون وينهبون والناس تمدحهم وتقول فلان الفلاني القوماني اللي يتعشى ليلة ما فيه عشى , مع فارق أن ألأخيرين بلغهم حرمة ألأموال والدماء وتأبط من أهل الفتره ..
بخصوص سعال الرويعي عن بني نفاثه الكنانيه ؟. وجدت من ذكر أن أسمهم كان بني الدائل وتغير بعد فتره من الزمان لبني نفاثه بعد تفانوا ولا بقي من بني الدايل أهل شوكه ومنعه ألا ذرية نفاثه بن عدي .
ويذكر المصدر نفسه أن ديار بني نفاثه كانت في جنوب دفاق , ثم رحلوا الى ماء ظراء بسب منازعاتهم مع تأبط شرا الفهمي ومع بني جندع , وفي هالجلاء يقوا تأبط :
أبعد النفاثيين أزجر طائرا @@وآسى على شيء إذا هو أدبرا
أنهنه رحلي عنهم وإخالهم @@من الذل بعرا بالتلاعة أعفرا
ولو نالت الكفار أصحاب نوفل@@ بمهمة ما بين ظراء وعرعرا
ويذكر أن دفاق اللي رحل عنها بني نفاثه يسكنها اليوم القبيله الكنانيه المعروفه بالجحادله .
ويذكر مصدر ثاني أن ظراء جبل في ديار هذيل , وين جبل ظراء ؟ , ومن يسكن جنبه؟, سعال أن شاء الله نلقى جوابه عندك يبن همام لأني بحثت في الشبكه ولا عثرت عليه.