[منقاش]

بسم الله الرحمن الرحيم
الجرعه الثالثه
سلام يا وجيه الرفاقه والعواني
يا رفيقي يبو عبدالرحمن فيه معك واحد يمكن من المشرفين له صلاحية الدخول وحذف المداخلات , هذا الواحد أو الأثنين من فتره طويله يحذفون بعض المداخلات اللي تدعم منقاش ولا تزل على غيره ويبقون اللي ضد منقاش, (واكرر المداخلات اللي ما تزل على غيره) لأن اللي يزل على الغير لا بد تحذف زلته, وكان آخرها مداخله من هالنوع لأخويه عبد ربه اللي والله أني ما أعرف شخصه ولا أسمه , مداخله ما قال الرجال فيها الا تزكيه لكلام منقاش وأقسم على نيته الطيبه , وأنه ما يبحث الا عن الحق والحقيقه .
أذا ما فيه أحد من مشرفيننا ورا هالجريمه التكرونيه النكراء فلا يبقي نوجه الأتهام ضد أحد الا الصهيونيه العالميه والمتصهينين , لصوص الأقصى ما غيرهم , واللي وصى عليهم أبو نقشه عياله وأحفاده ينتقمون منهم على تجاوزاتهم في حقوق المسلمين.
هذي تسجيل أحتجاج من الشيخ الدكتور الشريف منقاش حفظه الله , آمين, والحق اللي ما ناخذه في الدنيا موعدنا معه في الآخره .
نعود لموضوعنا , ويواصل البدوي راعي الحمار ما بداه معكم في الجرعتين اللي راحت ويقول في الجرعه الثالثه :
طيب , ويش لقيت لنا يا رفيقنا يبن همام من ديار غير اللي ذكرت على ما فيها من هنات وونات مثل اللي بين الشث والطباق وقواسي ؟, قال , أذا تبونها واضحه مثل الشمس رابعة النهار (على التوقيت الغروبي) , أنا متأكد أنهم جنوب الطايف لكن ما أدري وين خاسفين؟ , والدليل ما رواه الهمداني عن الشاعر البارقي اللي له أبيات جاء في معناها أن ألأزد ربع ثماله ملكوا السراه من صعده الى الطايف بالباس والثبات , ولا فيه من ألأزد جنب الطايف ألا ثماله .
طيب هذا كلام جيد ومعقول الى هالحد , لكن في أي جهه نزلت ثماله من الطايف بموجب هذا ألأستدلال اللي أورته ؟ , قال مؤكد أنهم جهة جنوب الطايف .
قلنا متفقين معك ونبصم بالخمس , بس أعطنا وين خفت ثماله جنوب الطايف ؟ .
وعند جواب هالسؤال ضاعت البوصله على ابن همام وفقد ألأتجاه .
كيف ؟ , أقروا هالتساؤلات اللي أنقلها لكم كما هي بالنص , واللي يقول فيها ابن همام : فإذا كانت ثمالة
قد حلت جنوب الطائف , فما هي أسماء المواضع التي حلتها جنوب الطائف ؟

هل هي إلى جهة نجد ؟ أي : هل كان لثمالة نجد ؟
هل هي إلى جهة السراة ؟ أي : هل كان لثمالة سراة ؟
هل هي إلى جهة تهامة ؟ أي : هل كان لثمالة غور ؟
أقروا التساؤل الأول والثالث وخير الأمور أوسطها حتى تعرفون أن ابن همام في كان في وادي والجغرافيا في وادي ثاني .
والمقصود , طالما ثبت له بالدليل أن ثماله جنوب الطايف , ليش يتساءل هالتساؤلين ؟ , بكلام ثاني , الطايف لا جنوبه نجد ولا جنوبه ولا حتى قربه تهامه , نجد شرقه وكل اللي جنوبه وحتى غربه سروات سراه من سد الثانيه .
وحتى تعرفون بعد تهامه عن الطايف أضرب لكم مثل من غرب الطايف بمكه المكرمه اللي موقعها في آخر السروات من الغرب وبداية تهامه من الشرق .
طيب , وبعدين؟ , حتى يجيب على التساؤل الأول جاب نص من كتاب الأنساب لواحد يقولون له الصحاري يقول فيه بالنص :
و النص أورده الصحاري في كتابه (الأنساب ) , ولم أجده عند غيره يقول :
" و نزلت ثمالة ... فأقامت بأرض نجد إلى الطائف , منقطعة عن السروات , وبين ثمالة و السروات
قبائل من عيلان ) .
هذا النص بالرغم من عدم الحاجه له من الأساس في البحث عن ثماله جنوب الطايف , لكنه جابه من الشرق وحشره حشر في موضوع الجنوب ثم خاض وبحل فيه وتخلص منه لكن بطريقه جديده حلل فيها لنفسه يخطي مرجع له ولغيره وينصب نفسه أعرف منه ويعدل كلام الصحاري حتى يراكب هواه بدون مراعاه للأصول وقال بالنص : (وتصحيح نص الصحاري بهذا المعنى أن يقال: وحلت ثمالة بالسراة وحل معهم قبائل من عيلان).
شفتم كيف تلوى أعناق النصوص على المزاج والهوى ؟ لا , ما هو لي وبس, لا, تغير كامل للمبنى والمعنى حتى يستشهد به على ما في نفسه , وشفتم الأستدلال على الجنوب كيف يجي من الشرق ؟ .
والحقيقه بالرغم من أن النص مبتور عن سياقه اللي كان يسهل تفسيره , لكن هذا النص الأبتر كان بأمكان باحثنا يورده ويستشهد به في شرق الطايف ما هو جنوبه ويقول , يبدو أن الصحاري قصد أن ثماله بعد أجدبت ديارها نزلت من سراتها تبحث عن الكلأ والماء وأقامت بمكان في نجد منحي عن الطايف شويه ومنقطع عن السروات اللي ما حال بينهم وبينها الا قبايل من عيلان .
وانتبهوا لوحي الكلمات والعبارات =
ونزلت ثماله : (يعني نزلت من جبال السراه) ,
وأقامت بأرض : (يعني لفتره محدوده) , منقطعه عن السروات : ( يعني ما أبعدوا واجد , ويذكرها لأنها ديارهم) ,
وبين السروات وثمالة قبائل من عيلان : (والمقصود هنه ما هو منازل قبايل عيلان في السراه , لا , عيلان هنه ربما هي بعض قبايل عيلان اللي نزلوا من السراه مثل يوم نزلت ثماله ولنفس الظروف , وحلوا في مكان في نجد يفصل ما بين منازل ثماله المؤقته في نجد وبين السراه اللي فيها ديار ثماله الأصليه ).
والختام خلوكم مع أبو نقشه في تبحثانه على بحث رفيقي ابن همام اللي كما قلت لكم نثني عليه ونشكره على ما جمع من نصوص لكن من حقنا ننتقد تفسيره للنصوص أذا كنا طلاب حق وحقيقه , ويرفع الكلفه عنا وعنه في النقد أنه أخو كريم ما نعرفه ألا بمعرفه ونجهل أسمه , وكما قال هو نفسه : الميدان يا حميدان .
خلوكم معي الجرعات الجايه , وتناولوا الجرعات أول بأول , لأنها مثل المضاد الحيوي اللي أذا تركت جرعه منه ينقلب مضره بعد كان للمسره . وسلامتكم .