04-25-2010
|
رقم المشاركة : ( 2 )
|
|
مثالي
|
رد: محاورات الليله في فتل ونقض
حماد
سلام والافـلاك يافـواز والدنيـا تـدور نمشي ولا ندري عن اللي من ورا دوراتها لعل عندك في المعاني ياطويل العمر شور ان كان عندك معرفة من معرفتكـم هاتهـا
فواز السعيدي
الله الله
//////
......
يامرحبا واليوم حي وبكره بوسط القبور خلك ذكي لاتتبع الايام فـي غرّاتهـا !! حرام لحم الآدمي .. حلال يالحم الجزور هاذي فتاوي بيّنه .. بالله وش معناتها
حماد
مدري تصل شاطي البحر ولا تروح في البحور تروح عند القرصنة اللـي ماعرفنـا اثباتهـا ترى البحر مافيه لا جندي ولا اشارة مـرور ولا مشـى ددسـن معـاه مولعـه لمباتـهـا
فواز
ماني سواة الاعور اللي منطلق بعيون عـور بغا يقبّل زوجتـه .. لكـن خـمّ اخواتهـا !! مادام في سدّ الشفا نقّاد مـن دونـه سبـور الهزله اللي ترتعش .. ماسعى ورى مقناتها !!
حماد
ياللي ترحب مابخسركم عشـا ولا فطـور كم وجبةٍ فاتت علـى الرجـال ولا فاتهـا الحظ الاقشر مارماني الا في علات النحور والطايـرات محلقـة ومهدفـة غاراتهـا
فواز
بعد راح اربع وعشرين واليوم اربع وعشرين بدايتهم بتاريخ اربع وعشريـن ميـلادي !! نظاميين مع جسر الملـك جينـا ليالبحريـن وبكره نتجه ونـروح للبصـره وبغـدادي !!
حماد
بعد راحو فمان الله وحنا بعدهـم ماشيـن اظنك مامعك حيلة فذاك الظلـع والـوادي تبينا صبح نمشي ولا من بعد المسا سارين نبا الخط السريع وشغل الجوال والـرادي
فواز
مثل مالله عطاك يدين مع كـل الرجـال يديـن اخذ من قسمك المقسوم .. قبل يحدّك الحادي !! تكاليف السفر ماهي جـواز وتذكـرة بالفيـن هاذ المره تكاليف السفر .. (كلمة ونقّادي ) !!
حماد
بعد ذيك الوجيه الطيبه محنـا بخسرانيـن كسبنا معرفة وختامهـا بالمسـك والكـادي نمثلها مثايـل والمثايـل باقيـات سنيـن ويبقى الطيب والمعروف مغراسه فالاجوادي فواز
ترى العين البصيره مثل حدّ السيف ابو حدّيـن لاتسهى فالطريق وتنقلب يالشيـخ حمّـادي !! اخيل البرق .. والفرّيـس للميـدان متجهيـن ومن فوق الجيوش الهايله (بارق ورعّادي ) !!
حماد
اظنك ماغدالك يالسعيدي ولا غدالي دين وهذا العلم واضح للعرب بادي يابو بادي يقولون اربعة وانته وانا يابو فلان اثنين لكن المشكلة فاللي فوسط الدرب متعادي
|
|
|
|
|
|