[بنك المعلومات]

[poem=font="Simplified Arabic,6,darkred,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="1,black"]
جاني وانا في وسط ربعي وناسي = جاني نشلني مثل ما ينشل النـــاس


مني نشل روح تشيل المآســـــــي = تشكي من ايام الشقى تشكي اليـاس


اثر الالم في سكره المـــوت قاسي = ماهالني مثله وانا انسان حـــساس


جابوا كفن ابيض مقاسه مقاســــي = ولفوا به الجسم المحنط مع الـراس



وشالوني اربع بالنعش ومتواســي= عليه ومغطى على جسمي البـــاس


وصلوا علي وكلــــــهم في مــآسي = ربعي ومعهم ناس من كل الاجناس



ياكيف سوا عقبنا تاج راســــــــي = وامي الحبيبه وش سوى بها الياس


اسمع صدى صوت يهز الرواسي = قولولها لاتطــلــم الخــد ياناس


قولولها حق وتجرعت كاســـــــي= لاتحترق كل يبي يجرع الكـــــاس


اصبحت في قبري ولابه مواسي = واسمع قريع نعولهم يوم تـــــنداس


من يوم قــــــفوا حل موثق لباسي= وعلى رد الروح صوت بالاجراس


هـيكل غريب وقال ليه التــــــناسي= صوته رهيب وخلفه اثنين حـــراس


وقف وقال ان كنــت يانـمر نـاسي = هاذي هي اعمالك تقدم بكـــــراس


ومن هول ماشفته وقف شعر راسـي= وانهارت اعصابي ولاارد الانـفاس


يالــيتــني فكرت قبل انغمـاســـي = بالـغفله اللي منتـهاها لــلافلاس


وفزيت من نومي على صوت ناسـي = واصرخ واقول الموت وأحذر الناس[/poem]