يا سوالفنا بدينا … وقّفي لحظة وصوله
يا حكايه ما درينا … عن خبايا في فصوله
وين حلمك يالمثالي ؟ أو غدا بدنيا ملوله
من هو اللي قد تغيّر … وانكر الصدق برسوله ؟
المبادي تنتخي بك … والقيم تشكي ذبوله
( المبادئ ) فيك ماتت … و( القيَم ) لعبة طفوله
وين أمسك يوم تحكي ؟ عن طموحٍ ما تطوله
وش بلا قلبك تحوّل ؟ وش تغيّر في مثوله ؟
من وقف لك يا سحابة … من حسد غيث بهطوله ؟
هل تكابر بالخطايا ؟ ? في هوى نفسٍ جهوله
أنشدك لحظة تجبّر … من ذبح فيك البطولة ؟
قلبك ودوم يتعبّر … كنت أحتار بذهوله !
لا تعامى عن حقايق … لا تخلّى عن أصوله
لك سؤالين وتذكّر … قلب ما يشبع فضوله
ما أبي غيرك يجاوب … غلطتك غصبٍ تقوله
من نوى يغدر زمانه ؟ ?? ومن قتل معنى الرجولة ؟
لا تلعثم في جوابك … انطق بيسر وسهوله
ردّك ويرجيه قلبك … لا تزايد في حموله
الجواب لقلب خالي … مات ما طقّت طبوله
ويا سوالفنا مشينا … عافتك نفسٍ عجوله