[منقاش]

وأنت سالم يا عميد منتدى الحياة الفطريه الشيخ سلام عسى ربي يسلمه .
برحابة صدر وانشراح خاطر تلقينا أقتراحكم المرفوع لنا , واللي ألتمستم فيه النظر بعين العطف والرحمه والحكمه للنشايب اللي قامت تنشب بينكم بسبب السمره وأخواتها وبنات عمها , النشايب اللي يقف وراها تنطع بعض الأعضاء يوم قالوا أن البقر تشابه علينا ...الخ .
ألأقتراح اللي ألتمستم فيه أصدار تكليف لكل واحد من ألأخوان يتضمن تعميده بمقارنة عضاتين من أشجار العضاه ....الخ.
ألأفاده : أصدرنا توجيهاتنا الحكيمه لرويعي الغنم بالعلم اللي تبي تشوفونه قبل تسمعونه , والفضل ماهو لطول شواربه , وأنما لمعجم حليفي الدكتور قشاش اللي عنده .
أما بقية ألأخوه نبي نخليها نخوه من كل واحد فيهم حتى لا يجي واحد منهم ويتهمني بالدكتاتوريه ..

على الجميع تنفيذ ما صدر من بدر الدجى وعرعرة المنتدى من توجيهات حالا , وخذوها سنان قبل تاخذونها عكوز (والله أني ما أعرف معنى عكوز ,لكني أظنها تعني بالقوه الجبريه أو بالعجراء, لكن مشوها) , ودمتم ....