[سنا الهجرة]

على طاري الصرام وما ادراك ما الصرام .. وأيام الجوع وقلة الحيله
كان الناس اذا سمعوا ان عند احدهم صرام يروحون يساعدونه ويصرمون معه .. ماهو حباً فيه لكنهم يتأملون أن يعطيهم ما يسد رمقهم ويطفئ جوعتهم

وهذي من بعض زهم الصرام اللي كانوا يتسلون بها وهم يصرمون وكذلك يشدون همم بعضهم البعض على شان ما يشعرون بالتعب طول النهار .. لانهم يصرومون طول يومهم وآخر النهار ياخذ له خفنه ما تكفيه هو وعياله

يقول :-

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اذا دنن الصيف واسنت تهامه=وجانا بنات البدو للقضامه
وانا محسب البنت تاكل قضامه=تخش السفا من تحيت اللثامه
[/POEM]

وهذي في الوصف ولا أعرف قائلها

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامزوناً على الشرق مبداك=الا وا حسوفي العشيه لحياً وصوفه كماك
إن بدا مثل مبداك= واليا زهم مثل رعدك وريقه يشبه لماك
[/POEM]

وهذي للشيخ المعروف عبداللطيف بن سافر الله يرحمه

ومثل ما يعرف البعض منكم ، الشيخ كان عنده مشكله في الركبه ودايم يعرج منها

وكان معاه صبي اسمه ضيف الله ( الصبي مثل العمال اللي اليوم يجيبونهم يرعون الغنم ) كانوا من الفقر يجون يرعون لغنم لمدة سنه وبعد نهاية السنه يعطونه واحدة من الغنم .. وهكذا

المهم ان ضيف الله تركهم في وقت ماعندهم بديل وعود الشيخ يسرح بغنمه وتمثل هذي الحدايا

يقول :

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
العشيه توقِّفْ لي العار=من رجلي اللي عظيله وشوفي كدر بالنها
مالَ ضيف الله لا ولَّع النار=وشبه يكب العرب مثل كبَّ بتات الحمار
[/POEM]



ملاحظه : بالنسبه لحدايا الحمار . ربما تكون أطول من كذا لكني ما احفظ منها الا ما ذكرت