[منقاش]

المشرف الفني على شئوون الطلاب والطالبات : مشكور على جهدك لكن الصور ما ظهرت لي حتى أعلق عليها , أذا ممكن تشوف السبب تكون مشكور .
ابو عادل : أنت أحسن طلابي ويا ليت السيبه ابن عزاب وابن داخل وابو أمجد وابو تركي وابو هاشم ورويعي الغنم يقتدون بك ويبطلون الذياخه .
تعليقي على أجوبتك : ممتاز وتستاهل 110 من 100
اما العقم فهو ظهر العاقد اللي يمشون عليه
الفليج : يوم سعلت كانت أمي الله يطول عمرها نايمه وبعد صحيت جاني ألهام وتذكرت أنه من أجزاء الخدر (بيت الشعر) .
الرداعه : هي الردعه والمقصود منها في بيت الشعر الحجر المستوي الموضوع تحت مدخل ومخرج النحال من وللخليه حتى يسير عليه مدرجات هبوط واقلاع النحل .
السوقه : هي المسافه اللي يقدر يسوق الصرام نفسه لها بسهوله ويتناولها بالمحش ويصرمها وهي حوالي ما يزيد على المتر على يمين ويسار الصرام , والسوقه في العثري تقابل بعرضها الشطي في المسقوي .
أما قيلك أن طلبتي شباب وخايف عليهم من ألأنحراف أحب أطمنك أن أغلبهم من قارح وفوق وقليل منهم اللي سدس , واطمنك أن أكثرهم منحرف للخلف من البروز ألأمامي (الكرش) وبعضهم منحرف للأمام واحدودب ظهره , وقصرها ما فيهم من يصلص طبله ولا طار ولو تنزلهم الحراج ما احد شراهم لو بريال واحسنهم حال الفحل العلامه ألأستاد منقاش اللي يصلح صارم (سيف)..
والزبده مشكور على أثرائك الماضوع .
أبو تركي : المكنسه أرتديناها يوم أبيت لا تردها وما ضاع حق ووراه طلاب . وعلى فكره وشب ولد خالك ابن عزاب عليك , تراه لاقاني يتهدد ويتوعد فيك ,,, بس تراني قلت له في المدرسه ما عندي لكم الا ألجريد واذا روحتم لأهلكم عسى الكلاب تاكلكم ولا نلقى ألا عظامكم أنتم وبن عواض .
ابن عواض : نبغيك تسعفنا بكم كلمه الحيث أنك زراع وولد زراع ( رحمه الله) ...