[حسن عابد]

1- ماهي علاقتك بالشعر ؟!!
طالب مازال ينهل من تجارب الاخرين ومطلع جيد بعلوم المعاني والادب العربي الجاهلي والحديث


2- من هو شاعرك المفضل ؟!!

طبعا ملك الشعر المتنبي

ويطربني الشاعر الكبير ناصر القحطاني وبن جدلان وبن هذال ورشيد الزلامي وغيرهم

3- اعضاء في منتدى " ثماله" تثق في ذائقتهم الشعريه ؟!!
الاعضاء غير الشعراء كثير ولكن منهم
اعجبني اتحادي دوم في هذه القصيدة

الجاش مـن زود العنـى مستفيضـي
بين الحنايـا مضـرب امثـال للنـار
احترت كيف ابدِي خفايـا قريضـي؟
كيف انثر احساسٍ تسامى عن الكـار؟
كيف ابري يراعي واغنّي وميضـي؟
كيف اسخر الكاغد تحت سيل الامطار؟
العد فـاض ودمـع عينـي يغيضـي
الصبر جار وجايـر الصبـر جسّـار
يامـلّ قلـبٍ بالمحـبـه مريـضـي
فاه وتفوّه فـي دجـى الليـل سمّـار
ناض وتوضـا مـن بقايـا نضيضـي
هاض وتهيّض فـي مكامنـه محتـار
أعـد ساعاتـي واصبّـر حفيـظـي
من عام في عامٍ علـى القيـظ صبّـار
عقديـن مـرن والحشـا مستقيـظـي
يا جرهدي الصيف ماعنهم اخبـار..

واعجبني سجايا الروح في هذا الاختيار

لوخسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل

بس فكر زيــن تعرف من خسر فينا وضاع
وتعرف إنك لو تلف الأرض .. وتدور بديـــل

والله إن تبـــطي ولو لفيت كل البقــاع
ولو تسوي وش تسوي ماأنت لاقي لي مثيل!

وين تلقى مثل شخصي شخص..وطباعي طباع
ووين تلقي مثل قلبي قلـــب .. أو مثلي خليــــــل.

البشر واجد .. نعــم .. لكن فرق الانطباع.!
يجعلك يمي تمـــــيل .. ويم غيري ماتمـــــيل....

يارفيقي .. انتبه .. واحسن إلي الاستماع..
للمواقف دور في كشف المزيف .. والأصـــيل..

وأنت ماقصرت فيني موقفك جـــداً شجاع..
طعنتك في الظهـــر كانت إثبـــــات ودليـــــــل....

بيض الله وجهك اللي ساتره تحت القناع
ورايتك بيضا معاي وياعسى عمرك طويــل...

يعني أعطيك الثقة وتردها ب"لوي"الذراع!!
ياخـــي ماشاء الله عليك أبدعــــت في رد الجميل..

مــــدري كيـــف أشكرك!
مـــدري كيـــف أرد الصــــاع صـــــاع!!
كنت أحسب أنك عزيــــز النفس .. تطلع لي ذليـــل...

كم وأنا عييت أصدق فيك قدر المستطاع
من غبائــــي كنت أسكت وأعذرك .. وأثر الحصيل!!

جـــرح قلبٍ ميزته في كل يوم الاتســــاع..
ودمع عــــــين" ينهمر من ضيقــتي في كل لــيل...

والله والله إني كنت أحبك حب .. وأتبعك إتباع..
كنت لجل أرضي غرورك بــــس ...أسوي المستحيل

كنت أعمــى فيك .. لا.. لا .. ميت للنخــاع..
كنت مدري كيـــف لكن كنت صادق معك حيــــل...

كنت أمارس في غرامي لك سياسة الانصــياع
وكنت لاغـــي معك فكرة أعتـــــزل او أستقــــــيل....

اندفعت بكل مافيني .. وسوء الاندفــــــاع...
يجبـــر الإنسان أحـــــــياناً.. يفكر بالرحيـــــل...

صدمتي فيك إنت .. خلتني أفكر باقتناع..
إن قتل النفس راحـــــة لو أنا كنت القتيــــــل...

انفجر راسي من التفكير.. وازداد الصداع
كيف أنا بفتك من جروحك ودوشة "قال قــــيل"

صرت سيرة في حلوق الناس.. وتالي هالضياع
" انتـــــــــــحر معقــــول ! ياالله وش هذا الغليــل..

رحـــــمتك يارب لامن ضاقت امنحني وساع..
أنت حسبي في الزمان الجاير ونعـــــم الوكيــــل...

لا غدى "مستقبلي والماضي" أطراف النزاع..
وصفحة الماضي ســـــواد وشئ من هذا القبيـــل...

فلازم انســـى لجل أنهي بداخلي هذا الصراع..
ولازم أتقــــــوى .. عشان أحقق النصــــر الجليــل...

وطالما إن الهجوم أفضل وسيلة للدفــاع...
مستحيــــــل أرضخ لو أن الحمل ياربعـــي ثقيــــل...

والبخيل اللي نساني واشتري فيني... وباااع...
يذلــــــــف .. الله لا يـــــرده .. والله بجرحي كفيــــل...

وإن سأل عني وجاكم بعد فترة انقطاع!!!
علموه أني نسيتــــه بـــــس أنا ماني بخيــــــل....

طالما كان السبب في قوتي .. قــبل الوداع...
بلـــــغوه أقل شئ بخالــــــص الشكـــر الجزيــــــل
وما انسى ابو عهد وعاشقة المستحيل

اما اذا تقصد الشعراء اعتقد ابو عادل وبن داخل استفدنا منهم وما زلنا الله يوفقهم





4- بيت شعر يحضرك دائماً ؟!!
بيت لي انا
الشعر من صدق المشاعر والشعور &&&&&&وانتاج فكرن ما تحدر مستواه