[عبدالله الحضبي]

سراب الولع سراب الولع سراب الولع سراب الولع سراب الولع

سراب الولع

[POEM="type=1 font="bold medium Arial, Helvetica, sans-serif""]أفكر وأعاني من عنا الملهمه وآفيق=وحلمي يصاحب مغرمٍ في الهوى ضامي[/POEM]

[POEM="type=1 font="bold medium Arial, Helvetica, sans-serif""]

لأن الأماني في هموم الحزين تليق= تناجي جريحٍ يحرجه جرحه الدامي
على السلهمه بأشكي من الرمش والتحديق= وعلى أحمر شفاته بشتكي زفرة إلهامي
وعلى الضحكة الخجلا بنادي صباح الريق=من البسمة اللي ترسل رماح وسهامي
ولكن عرفت الفرق في لحظة التصديق=وتاهت معاناتي على صفحة أحلامي
سراب الولع جاله على النايفه تبريق=وضاع الخيال اللي توهمت قدامي
رسمت الأماني في ضميري بلا توثيق =ووقعت للآخَر قرارات بابهامي
وما زلت في دوامة خلفها تحقيق=صدوف الليالي دورها في الزمن حامي
زمان التخلف والألم والقهر والضيق=وعصر التبختر والتكبر والأوهامي
طغى فيه حب الذات مع نبرة التنميق= وجوهٍ تلمع نفسها بلا هدف سامي
وضاع الحزين بموجته تايهٍ غريق=يصارع زمانه مع مقادير الايامي

[/POEM]

عبدالله الحضبي السبيعي