ضربة حظ مع الغزليات
ضربة حظ مع الغزليات ضربة حظ مع الغزليات ضربة حظ مع الغزليات ضربة حظ مع الغزليات ضربة حظ مع الغزليات
[POEM="font="Simplified Arabic,4,white,bold,normal" bkcolor="transparent" bkimage="images/backgrounds/21.gif" border="solid,4,white" type=2 line=0 align=center use=ex num="0,black""]
ياطير ياللي فوق غصنه تعلاّ=يازاهيٍ بالريش ياعذب الالحان
ياللي على غصونٍ رويه تدلاّ=ياللي زبنت بحينا خير مزبان
يامرحبا مليون والقلب هلاّ=ياطير انا بوصيك في بعض الاحيان
هذي رساله لن صدفت المحلاّ=ابو جديلٍ سايحٍ فوق الامتان
اللي رموشه مثل فيٍ وظلاّ=مع مبسمٍ يروي ضما كل عطشان
والخشم مثل السيف لانسل سلاّ=والخد لونه لون دمٍ وشريان
والعنق عنق الريم لا فز ذلاّ=والصدر مثمر مثل طلعات رمان
والخصر لا ناحل والا اللي تملاّ=متوسط ومربوع مازاد باوزان
والباقي محرم وعيبٍ وكلاّ=محجوب عن عيني والا اذكره بلسان
قلّه ترى قلبي من الصبر ملاّ=مليت ياخلٍ جفاني بنسيان
ان كان قصدك في غيابك تغلاّ=كلي وله جيتك وشوقي والاشجان
وان كان ودك في جروحي تسلاّ=اجرح وبعثر ياحلو منك الاحزان
انا اشهد انك عز خلٍ لخلاّ=ياطاغيٍ بالزين ياغصين البان
[/POEM]
|