[منقاش]

أشكرك يا شيخ سلام على ردك وحسن خلقك .
واحب ألفت نظرك وانتباهك لأمور ربما خفيت عليك كلها أو بعضها ومنها :
ألأوله , لا تستغرب مناورات وسلوكيات أبو نقشه واعتذاراته , لا تستغربها من رجل العام اللي سحق أبو عبدالرحمن من اليوم ألأول في منافسة ألأنتخابات , واللي أحتال عليك حتى أخذ صوتك واكتفى شرك لأنك كنت خطير تفوز عليه وتطلعني على قول المصاريه من المولد بلا حمص .
الثانيه , تراني ما أحب العبب شجرة الفتنه ولا الساعه اللي عرفناها فيها , لكن أبو عبدالرحمن أتصل عليه وقال ودي يا شيخ منقاش أنزل موضوع عن واحده من الغرفان اللي يا كثرها , قلت له , عيب عليك تكثر الضباء على خراش , والأسلم أنك تنسق مع الشيخ سلام واذا أعطاك أشاره تنزل شجره نزلها , رد عليه وقال , لا , لا , خلينا نغرقه بالمواضيع حتى نربكه ونصلفق كتاباته ولا نعطيه وقت كافي للتبحثات .
وانت يبو نقشه أول ما تشوفني نزلت الموضوع الطش مقال من هنه والا من هناك من الشبكه التكرونيه ولصقه في ذنب الموضوع حتى تاخذ زمام المبادره وتعكر الجو وتربك جهود الحاج سلام .
الثالثه , أستشارني ابو عبدالرحمن ويش الموضوع اللي ينزله بأسمه , وكما تعرف ويعرف الجميع, المستشار مؤتمن لكني صار لأبو عبدالرحمن صره من بعد تزويره لصورة كدتي , لأجل كذه قلت له نزل العبعب , يعني أعطيته ألأسم خطا حتى أدهوره , وفعلا نزله بالأسم الخطا وضربت عصفورين (أنت وابو عبدالرحمن) بحجر واحد وهذا من دهائي .
الرابعه , كنت منسق مع أخلص حلفايه وهم شاعرنا الفحل سنا الهجره ودكتورنا الفحل الدكتور مشعان على أساس يقدمون لي نيران المسانده , وفعلا أوفي شاعرنا الكبير سنا الهجره بوعده , وتخلف الدكتور لأسباب أجهلها لكني أرجح أنه لا يزال تحت تاثير شراب الهندكوش اللي شربه من خمرة الرحله .
الزبده : مؤامره وانكشفت خيوطها وتبينت أبعادها ونشكرك اللي عفيت عن أغلاطنا فيها , ومن اليوم نبيك أنت وأبو عبدالرحمن تنسقون مع بعضكم وتنزلون الموضوع اللي أنت مجهز تبحثاتك عنه حسب ظروفك ومتسع وقتك , وليته ينسق كذلك مع الشيخ ابن همام حتى أن كان عنده شجره والا بس ثاني ينزله .
وبعدها نرمي يالأعضاء بدليتنا معكم أن قدرنا نساعدكم بشي , وكذه يكون عملنا منظم , وسلامتك أنت وابو عبدالرحمن وابن همام وسنا الهجره والدكتور مشعان وجميع ألأخوان ....