والبرق سيف (ن) بارقه نجمة سهيل .. !! (منقوول )
والبرق سيف (ن) بارقه نجمة سهيل .. !! (منقوول ) والبرق سيف (ن) بارقه نجمة سهيل .. !! (منقوول ) والبرق سيف (ن) بارقه نجمة سهيل .. !! (منقوول ) والبرق سيف (ن) بارقه نجمة سهيل .. !! (منقوول ) والبرق سيف (ن) بارقه نجمة سهيل .. !! (منقوول )
بسم الله الرحمن الرحيم
" وشاهد شاهد من أهلها " ~~
الأرض مأسوره لوتها الغرابيل
واللي أسرها ذنوب في هجرها احسان
وحبل الفرج معقود في ضمر الخيل
اليا بدى همس الأيادي بالإيمان
والرب يجزي من تضرع بتبجيل
وبامره جرى مايحيي الإنس والجان
غنت سما نجد العذيه مواويل
ثم اكتست من لولو المزن هتان
وغطت على شمس الضحى بالمضاليل
ابكار جهمن مرتفاتن لها شان
مثل العروس بضافيات المخاييل
صوت الهبوب يسوقها بأعذب الحان
والبرق سيفن بارقه نجمة سهيل
يخطف بصر منهو نظر له بالأعيان
والرعد لا زمجر صهيله بتهليل
اهتز موج المزن من خطوة حصان
واليا انفرط عقده تنزل بلا ميل
حتى انسكب نوه كما الدر مرجان
وهلت سحابة نجد عذب الهماليل
وفاض الشعيب وسيل الواد وديان
الطير غنى والحوايم زعاجيل
حتى تثنى باخضر الغصن رويان
وهاج الضمير بشوفة العشب والسيل
يغسل فياضن فيه حضرن وبدوان
وبيت الشعر اطيب صروح المنازيل
وروضن خضر وسط الفيافي وبستان
وريح النفل لا خالطه نفحة الهيل
ينعش خفوقن لك من الهم ونيان
تركي على جال السمر بالمعاميل
ترقب نشاما لا لفوا بك مسيان
وتصب للضيفان قاع الفناجيل
بالبن ماهو للمطاليق مليان
وزان القنص مع رفقتن للمشاكيل
وما يطرد الصيده من الحر شيهان
وتمت لنا بمنزل الحق تنزيل
اله الثنا والحمد معطي ومنان
========================
كلمات : شيهانه شجاع العتيبي
م/ن
|