عرض مشاركة واحدة
قديم 02-26-2013   رقم المشاركة : ( 15 )
رعد الجنوب
مشارك


الملف الشخصي
رقــم العضويـــة : 4894
تـاريخ التسجيـل : 09-11-2009
الـــــدولـــــــــــة :
المشاركـــــــات : 306
آخــر تواجــــــــد : ()
عدد الـــنقــــــاط : 10
قوة التـرشيــــح : رعد الجنوب


رعد الجنوب غير متواجد حالياً

افتراضي رد: الذيب لو يرقص مع الجني


الحـمـد للمعـبـود رب العالمـيـن
ذا الكـون والآيـات عنّـا يـا معيـن
إيّـاك نعبـد يـا إلــه ونستعـيـن
فـوق الذلـول اللـي نمِـس ابطانهـا
والشعر مع سفن الصحاري لـه مـدار
أحلّ وأفضل ما مشـى فـوق الديـار
وأغلى وأجمـل مـا خلقـه الله جهـار
البِـلْ عطايـا الله هــذا عنوانـهـا
إذ قال فيهـا كيـف خُلقـت بالكتـاب
يصعب علي التعبير والشعر والجـواب
إلا أنهـا عبـرة ومنشاهـا السحـاب
مـال وجمـال وعظّـم الله شانـهـا
غاثـت نبـي الله صـالـح وأمّـتـه
وليـا أقبلـت للبيـر شربـت جمّتـه
ليـن عقَروهـا القـوم والله نقمـتـه
حاطـت علـي اللـي سببـوا فقدانهـا
والإبـل قبـل آدم وحـوّا يخلـقـون
خلقت من أول ما خلق منشي المـزون
موجـودةٍ لـيـن الأودام وينتـهـون
جعلـه فداهـا مـن جَحـد عرفانهـا
هذي حلايـب ل .. أنبيـا والمرسليـن
وهـي الركايـب للأشـدّة والضعيـن
وهي الجلايب عنـد فرغـات اليديـن
وهـي الوقـار ليـا أقبلـوا ضيفانهـا
وهي الهدايـا اللـي تسكـت كـل فـم
وهـي الكبـارة للزعيـم اليـا زعـم
لعـل دارٍ مـا لـهـا فيـهـا قـسـم
مـع الـزلازل تنفـجـر بركانـهـا
وهي الكسايب ل.. التقوا قـوم وقـوم
أحد تصير أبعـد عليـه مـن النجـوم
واحد كسبها غصب من فـوق الخشـوم
ليـا رقـص للمعـركـة شيطانـهـا
ياما وياما من هجـاد ومـن صبـاح
للخيـل والفريـس حمـران الرمـاح
وقومٍ حموها ف.. المفالـي والمـراح
وقـوم تضويهـا بضـرب ايمانـهـا
لولا غلاها مـا سـرح فيهـا ذيـاب
فوق الأصيل اللي كما فـرخ العقـاب
ينوب عن تسعيـن فـارس بالحسـاب
اليا قضـب سـرج الفـرس وعنانهـا
وصّاه ابن سرحـان فيهـا ثـم قـال
أوصيك ف البل ذخرنا في كـل حـال
من لاحماها مـا تصـب لـه الـدلال
ذي ساعـة الخـلاّن فـي خلانـهـا
آخر مواضيعي
  رد مع اقتباس