[سنا الهجرة]

المشاركة الأصلية كتبت بواسطة النادر

لن اعتذر عن الانقطاع فتقصيري اكبر من اعتذاراتي
خلاصة تجربة قد تجدون بها مايلهيكم عن لومي ومعاتبتي

.

.
[poem="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


لاصرت مركيلك على ظلع كايد=لاعاد تسئل وش فبطن الليالي
هذا مثل دارج مع الناس سايد=البارحة مامسيت مشغول بالي
الوقت علمني اهوز الشدايد=اناطح هموم الليالي لحالي
واثر الزمن ماهو زمان الولايد=هذا زمان مطولين الحبالي
حاولت اوردها على كل قايد=وتصرمت عنها سيور المحالي
وحاولت اسريها الفجوج البعايد=واثر الخلا ماهو من الهم خالي
الريح سوت به وسوم وجرايد=والقيض مركيله من الجور صالي
وعودت افتش في دموع القلايد=اللي على صدر الظلوع الجثالي
لاشب من خلف الظلوع الوقايد=تقدر على جور الوقايد تكالي
ماني على باقي المخاليق زايد=ولاضن حملي يشتغل به بدالي
حسبه غريبه في زمان الفرايد=خلت قديم العرف يرجع توالي
ياوقت وش سويت فاهل العوايد=صارت حمول الزمل فوق الجمالِ
[/poem]

صح لسانك يابو عبدالله

ما عليك لوم طالما بعد الغياب تجينا بمثل هذا النص الجميل

يقول خلف بن مشعان :-

لا غبت جبت وعادتي لا غبت مرجع بالهزيل ** إن جبت أجيب اللي محد بالشعر قبلي جابها

ما شاء الله عليك >> أصالة وجزاله وصور شعرية جميلة ومبتكره

سلمت يمينك