اقتباس:
المشاركة الأصلية كتبت بواسطة @ بن سلمان @
تحية طيبة وبعد السلام عليكم ورحمة الله وبركاته
يقولون من غاب ما أبطى وأنا غبت ولاني مبطي إن شاء الله
الحياة مواقف واليوم الجمعة صار معي موقف تمثل في خروجي للتمشية مع بناتي وأمهم وكان حديثنا حول الربيع العربي وأحداث الساعة ويوم أقبلت المغرب ذكرني حديثنا الديمقراطية التي أوصلت أوباما للقصر الأبيض والشيخ عادل الكلباني لأمامة الحرم المكي وتذكرت إن الشيخ يصلي في جامع المحيسن فقلت لبناتي بعد أن أدرت رأسي للمقعدة الخلفية وش رأيكم نصلي وراء الكلباني , ردن وقالن على كيفك , حسيت إن الأرضا ما تسعني وأنا أحس بإن كلامي ما زال مسموع
صلينا المغرب وجيت خارج وإليا هناك شخص يبيع نعناع وحبق ومساويك , قلت يا ولد وش عندك ؟
قال كل شيء قلت كل شيء !؟ قال حتى لو تبي شعر عندي
قلت سمعني .. قال :
[POEM="type=0 font="bold medium Arial, Helvetica, sans-serif""]هلا يا مرحبا ترحيب فالميزان بالف جنيه = والف جنيه فالسودان لا تسقي ولا تطعم
حليل سهيل مغوي الناس والشيطان هو مغويه = ولا اغواه اللعين يعيش لا يقطع ولا يلزم
حلفت يمين سد يمين يالنجم الشقي لارميه = واعلم صاحبي لن كان ما يدري ولا يعلم
اعلمه إن من يبلى العرب يأتيه من يبليه = ولو إن الشقي معروف للهوشات متولم
دخيلك يا سنا وخر عن اللي جيتكم ناويه =بعد ما جبت في كفي السلاح وجيت بالمحزم[/POEM]
|
السلام عليكم ورحمة الله وبركاته
صبحكم الله بالخير جميعا
دخلت المنتدى ولقيت العنوان وراح فبالي ان بن سلمان قلب المنتدى للتسويق
وقلت بس نبلغ عن المشاركة ونطلب من المدير غفر الله لي وله انه يفك لنا منتدى خاص
بتسويق المنتجات والمستحضرات ويفكنا من الدعاية في بطون الأندية ولكن اللي حصل
أكبر من التوقع فيها بيع وشراء تدري يا بن سلمان ارسل لنا ذا البياع وترى مصاريف السفر على حسابي بس خلها قريب الصيفية آخذه معي فالملاعب وهو يعطيني القصيد وأنا أقاصد بلكي أحصل لي من بعده كم قرش تنفعنا فالمصاريف
على العموم صح لسانك ولسان بياع المساويك
هههههههههههههههههههههههههههههههههههه
على ذكر أبا اعطيك كم بيت ودها صاحبك تراها تصلح يبيعها والنص بالنص
هذه عينة ورد مني
سلام اكبر من جبال الهده وابعد من الخرخير=لبياع الحبق ومبيع النعناع والمسواك