[ابن ابي محمد]

أخي الشاعر سهيل حليف الدكتور اعانه الله على زقراط , السلام عليكم ورحمة الله وبركاته وبعد , وجهنا سؤالك لحليفك الشيخ الدكتور في صباح هذا اليوم الأغر فرد قائلا :
لا تسعلوني عن أي مسعله الا بعد أفك الريق واشوف الطريق, أنا رجال ما يقر راسي واعرف قياسي الا بعد اشرب لي خمره والا خمرتين من المقهاه ..
وبعد أن تناول الشيخ فطوره هو وحاشيته التفت بأتجاهي قائلا , هالحين بث جابتك وهات العلم يا ولد ام محمد ..
, فأعدت عليه سؤالك , وبعد استفساره عن صحتك واحوالك , رد علي قائلا :
ألأوله سلموا لي على حليفي سهيل حار السلام وبلغوه أن الأثافي ضافيه وعلومها وافيه وطلبه جاهز ولا يبي يرده لا يقر عليها قدره الا هالفتره المتبقيه حتى التكاعد , بس وصوه يشحذ الهمه ويحد السكين ويشرب عسل من اللي يقول القواله أن بعض شريطية العسل ساروا يخلطونه بالفياقرا ويروجون عنه دعايه يزعمون فيها أن مجانيه من شجاري عسلها يزيد القوه ويقلل المروه..
اما الجماعه اللي ذكرهم ابو احمد فلا ينساهم الا قليل الأصل , وكيف ننساهم وهم نجوم يستدل بها التايهين في ظلام الليل واختلاف الحيل , الله يرحمك يا مشرف الأستراحه حياة اقزوز منسم ومشرفها الثاني حياة ابو تركي , ما انسى هالأثنين المشرفين الخونه زقوا في كبدي بعمالتهم المكشوفه للمخاوي بتحريض من الشاعر المشاكس الله يجعله بأثفيه تشيب براسه..
الا فيه اسم واحد من بين كل الأسامي اللي ذكرتوها ما لقيت له وسم ولا رسم وهو هذا اللي سمعتكم ترددون في اسمه أظنه جيهان او شيهان او كيهان , ما أدري , هالأسامي الفارسيه المهوله انساها والنسيان احيان يكون رحمه من الله ,اقول بلغ ابو احمد أن هذا المودماني ما اعرفه أبد ولا عمري سمعت بطاريه الا منكم هاليومين ومن ابو احمد ومن الرويعي اللي ذكر لي أنه سمع عنه لبهة علم ولا يستبعد انه يكون من شعار جلان الفير ..