[سهيل2012]

المشاركة الأصلية كتبت بواسطة حسن عابد

يقول من العربان واحد

كنت برحلة خاصة خارج مدينتي التي تعرفونها وفي مدينة على ساحل البحر الاحمر واقرب مدينة لها من الشمال الشرقي تقريبا مدينتنا الجميلة والتي تعلمت فيها الحبك والسبك
المهم بعد نهاية علومي هناك مغص مخباي من تطابقه والمسافة بعيدة والجوع تمكن مني
قلت لمحفظتي وش تملكين قالت سبعة ريالات
فقام يضرب بي الهوجاس اخماس واسداس من البطن والحجر والبنزين
وعز الله اني ماترددت في اقرب مقهى على الطريق وقابلني ذاك اليماني مفتل الشوارب قال شبيك لبيك
قلت شبيك نص حبة ولبيك نفرين رز قال هواء مادري ان ماجابني الا زود الهوى
راح ابو طمرة وجاب الطلب وزاده ماء وببسي وشطة وعيوني واحدة في الصحن وواحدة في الناس اللي حولي وانا الضاهر ماامضغ واثر ابو طمرة اللي عايفه متابعني ولاحظ صحني
وانا اقول اطلب مرة ثانية ولا اكتفي بجوعي اللي ماراح ومابين هذي وهذيك الا واليماني محضر قال ياعم تشتي شي قلت كني فيه حياء قال اطلب ورقبتي سدادة قلت الله يرحم والديك هات نفرين ونص قال لو في صنعاء عنينا له هذي قصدة خلف الهذال قمت اصرف عليه ضحك الجوع
جاب الطلب والناس بدأت تتابعني واقول به واناديه واطلب نص برزه وافرسه
حسيت الدوخة والتعب راحت لكن الاهم باقي وهو الحجر
غسلت برواقه ونشفت وجلست بزاوية الحجريين وطلبت مخلوط وبراد صيني
واجلس اهد وابني واهد وابني كيف احاسب واعبي الموتر واليماني اللي كان خادمني وباسطني يمقلني بعيونه قلت بس مالي مخرج
بعد ربع ساعة جاني قال الحساب قلت على الله انا ضيف قال حسبت عليك نص مع الرز والباقي فزعتي معك ياضيف قلت والبنزين من يفزع به قال ليه مامعك زلط قلت راس مالي سبعة ريال قال جيب ياخي جيب
قلت والجيب من فين امونه قال جيب السبعه وانا بنكحها بريال واعطيها عمي وخذ خمسين والله قلدك متى سيرت هانه قلت وانا دوب بديت اطمع طيب اذا ماسيرت قال روح والله ما اسئلك عنها انت غريب وانا غريب
قصده ستر وغطا على بعض
راحت الايام وجات وتحدني الظروف على المقهى قلت والله لا منكح اليماني واشوف اش يقول
يقول تقهويت وابسطت وناديته قلت قهوجي تعال وجاني يسعى قلت لي حساب باقي عندك اخصم حقك منه وهات الباقي قال حساب ماهو قلت باقي خمسين عندك هاتها انا صابر عليك سنة طنيني على قول الشيخ قال والله انك تلعب باليماني المتغرب عن بلده قلت انت الغريب قال ابن عمه ماوذاك قمت اضحك
قال والله اني مشبه امانة الله انت اللي جيت العام هانه قلت دوبك صحيت الله يرجك قال روح يااخي قد سامحتك من العام قلت تفتكر السبعة ريال اللي نكحتها بريال انا بغيت ارد السلف بلاش لكن قلبي ماطاعني

الله ينشب بليسك يا أبو علي !

أنشبتنا بها الخط الفسفوري .. ورقم 2 يا مفتري !

ما أدري كيف يمر الشيخ منهنا .. أما نشب بين الحروف ودعا عليك ..

ولا تخارج مثل صاحبك أبو سبعة ريال ورد عليك !

( والحكمة يمانية )

أجدت يا حسن حبكا وسبكا ..

شكرا لك .