[الجدي الشمالي]

[[ الوجـــد ]] [[ الوجـــد ]] [[ الوجـــد ]] [[ الوجـــد ]] [[ الوجـــد ]]

(( الوجـــــد ))

[POEM="type=2 bkcolor=#000000 color=#CCCCCC font="bold x-large Arial, Helvetica, sans-serif""]بسم الله ابدا وامر القاف وانهاه=يالله ياربي عليك اتكالي
وجداه من هم برا الحال وجداه=هم برا حالي سنين وليالي
وجداه كبر العود وقفت مطاياه=وحاله بعد ولا شبيهن بحالي
وجداه من قلبن شعا الوجد خفياه=وزاد وتعدى الحد وادلج في بالي
وجداه من داخل ضلوعن نحبها آه=على صباه اللي بقى في خيــالي
وجداه يوم اقرى تفاصيل ذكراه=تغدي دموووعي مثل وبل الخيالي
وجداه لامن جيت اعدد سجايـاه=احتار في تعديد وصف الخصالي
وجداه يوم اذكر مقامه مع الجاه=يفتل وينقض مبرمات الحبالي
وجداه يوم اذكر مفاعيل يمناه=.اليا زما العايل زما للعلالي
وجداه ياعزن بعصره قضيناه=بدو(ن)مع البيداء نسوق الجمالي
وجداه يوم اذكر دلاله مراكاااه=وتاتي ضيوفه من جنوب وشمالي
وجداه يوم اذكر مزوحه لمن جاه=يلقى بها الضامي قراح زلالي
وجداه يوم امر دااار(ن)نزلناه=يرعن به وضحن عليها الهلالي
وجداه يوم نخيل نوون نثر ماه=مانصبح الا قد وسقنا الرحالي
وجداه يوم امر قفرن قنصناه=قفرن خلا لصيد فيه اجتوالي
وجداه يـوم اسمع نبأ الوحي يقراه=في كل وقت يكرر الابتهالي
وجداه لو الوجد كله معاناه=احسن لي اعيش الحياه انعزالي
وجداه وجده يوم الاقدار تبلاه=يوم القدر جا بالعزاء في العيالي
وجداه وجده يوم سن الهرم داه=كن الزمان اللي مضى له مضالي
وجداه ذقت الصبر مره وحلواه=لاكن زاد الصبر فوق احتمالي
وجداه دام الحي احباه تنعاه=لوهــو حرام يصـــير مثل الحلالي
وجداه رااس المجد ماولله انساه=مادمت حي انه ليبقى في بالي
ياقوقـل ابك الوجد هو ويش معناه=خله لمن عاناه مالك ومالي
واستغفر الله فاول القاف واتلاه=والعفو منكم ياثقات الرجالي
وصلوا عدد من قام فرضه وصلاه=على شفــيع الخلق يوم الهوالي[/POEM]

وسلامتكم