[المنديالي]

والله شوفي يابنت الاصايل

احترم رأي رفيق دربه لكن الامر فيه تفصيل

يعني انا مثلا جالس بسيارتي جمب السوق وناسي بلتوثي شوي وهم طابين علي ومكلفتيني بالجمس ومسوين لي قضيه وانا في حالي .

طيب وش ذنبي

شوفي الاكيد بالموضوع ان اسمه بالبلتوث ملفت كرقمه مثلا او اسم دلع او من الامور هذي بس مثل هذي الامور ياخذون عليه تعهد ممكن طالما لم يضهر للشارع ويضايق بنات الناس لان الامر بهذا الشكل اصبح بصراحه مخيف واعطيك مثال ويعلم الله اني صادق

اعرف رجال عياله رجال وسجلو اسمه بالبلتوث رقم جواله بدون يدري ويوم راح السوق مع عجيزه الا ويتصل عليه واحد يقله ياخي عيب عليك ترقم بنات الناس غير بلتوثك ولا ترى بنتصرف معك .

الرجال زعل وقال للمتصل ورني وجهك اول وبعدين نتفاهم شوي وعسكري ومعه رجل هيئه محضرين عليه لانه كان يتكلم بالتلفون وهم يشوفونه يوم جو عنده قالهم عسى ماهو انتم الي متصلين عليه قالو الا قام قال دقيقه اخذ مرته وجلسها على كرسي وقالهم طيب يوم انكم داقين عليه وتشككون بذمتي قدام الناس انتم ترون اني بقدر اغازل الرجال عمره فوق الستين وبدوي شوي قالو بس انته حاط رقمك بالبلتوث وهذا دليل قال اي دليل اذا كان انا لابغيت اتصل اجيب واحد من عيالي يتصل بالرقم تبيني احط رقمي وانا ما اعرف اصلا اتصل برقم قالو هذي شبهه قال لهم الشايب الشبهه انتم والي حطكم بالسوق بغو ياخذونه وكثر الكلام بينهم وتدخلو الناس وانهو السالفه .
طيب زي هذا يفترض منهم يوم شافوه وعرفو انه رجال كبير وشكله واضح لاهو حق غزل ولا حتى زواج خل باقي يغازل كان تركوه وراحو في حال سبيلهم .
التجاوز موجود هذا امر يجب الاعتراف به لكن هذا لايمنع ولايعني باي حال من الاحوال ان تمنع الهيئه او يحجم دورها لكن يجب عليهم تفعيل النصيحه والامر الي يقدر يسترونه من عندهم زي هذي القصه المفروض انتهت من وقتها لكن التشهير بالجرايد لا وعن طريق عمله يعني فضحوه بصراحه اعتبره اهانه وفرصه لمن اراد النيل من الهيئه وحافز لهذا وامثاله للحقد على الهيئه ورجالها