رد: طفولة عضوة..!!
نشيد كنتي تحبينه أيام الطفوله؟؟
طائر النورس حلق حلق ...لا الصراحة أكذب هذي ماكانت على أيامي
قال الفأر ماني فأر حتى القط يأكلني
قال القط ماني قط حتى الكلب يأكلني إلخ
::::
شخصية كرتونيه كنتي تحبينها ؟؟
سالي كنت والله أبكي معها وأحب جزيرة الكنز (( خمسة عشر رجلا ماتوا من أجل صندوق))
::::
كيف كنتي ايام طفولتك شيطانيه ولامؤدبه؟؟
والله شيطانيه وكانت دايم بناطيلي مفقعة من عند الركب من كثر الجنان::::
ماهي الموقفاللي عرضتِ فيها اهلك للاحراج؟؟
مره وأنا بالإبتدائي جات أمي المدرسة وماكانت كاشخة كانت بالعباية وكنت أشوف الأمهات يجون مكياج وكشخة ويوم شفت أمي انقهرت كانت بتستأذن لي تطلعني وبعدين نادتني المديرة وجيت وقالت هذي أمك تبغى تتأكد وقلت لا ماهي أمي وأمي حمرت عيونها فيه تقول بنت أنا أمك قولي للمديرة والمديرة شكت قالت بنت هذي أمك قلت لا وبعدين أمي نفخت فيه بغت تضربني وخفت قلت إيوه هذي أمي والله رحت معها وأنا مقهورة وقتها وبعدين جلست تخاصمني في السيارة هي وأبوية ويوم أتذكر الآن أجلس أضحك والله
::::
هل كنتِ شخص ذو شخصيه قويه أم مغلوب عليه؟؟
الصراحة وسط ماأحب أغلط بس ياويل ويل اللي يبدأ أكفخه كنت
::::
موقف حصل في طفولتك كان له دور في تغيير مجرى حياتك؟؟
مدرسة بالإبتدائي الله لايوفقها إلى الآن أكرهها اسمها فريدة ضربتني كف لأني كنت غايبة بس والله كنت مريضة وطلبت البنات يجيبون غرض معين ويوم جات تفتش من غير ماتعطيني فرصة أشرح ضربتني كف ومن بعدها صرت ببقية المراحل قوية وماأخلي أحد يتطاول أو يهينني من الدرسات حتى إلى الجامعة
::::
اكبر عيديه جمعتيه كم ؟؟ ومن مين؟؟
والله ماأدري كنت أنا وبنات الجيران مانخلي بيت بالشارع ماندق ونطفشهم عطونا عيدية عادت عليكم ومعنا شناط صغيرة
::::
يوم كنتي صغير اش كنتي تسوين بشعرك
فرقة بالنص إلى الآن ماراحت وعضابين والبكلات برجونات وش كبارها والشرايط تقولين شارع من كبرها وإذا تفننا خرمناها وسوينا مربعات ومثلثات
::::
يوم كنتي طفله تلعبين بكمبيوتر ؟؟
أي كميوتر يرحم والديك قولي زقطة وبرجون وإلا بخاخ ريد يطاردنا فيه ولد الجيران عساه البلا
::::
يوم كنتي تلبسين مريول المدرسه هل تحطين شباصات ميكي ماوسوشرايط بيض ؟؟
ماعرفتها إلا قريب
::::
من كـانيدلعك أكثر أبوك ِ او أمك ؟
كلهم والله مع إن أبوية أكثر
::::
اســم دلعك بالطفوله لحد الان ينادونك فيـه ؟؟ وماهو؟؟
ههه ماحد يدلعني باسمي زين إذا ماقالوا هيه يابنت وإلا ياورعه
::::
بطفولتككنتي تبكين إذا ماجلستي بالاول بالطابور اوالفصل ؟؟
لا عادي كنت بأي مكان أجلس أهم شي مو وراء مرة مع الكسلانين ههههههه
::::
عندك عضويه بالسن توووب ؟؟
لا بس إني أجمع الصور وألصقها بالمريول على صدري وأحسب إن اللي عندها كتيب هذي بطرانة وغنية
::::
عندك لعبه موجوده من صغرك إلى الآن ؟ وماهي؟؟
بالله صادقة من وين لي لعب ذاك الوقت صاحية عشان تقعد للحين كنت أطوي السجادة والبسها فنينة وسروال حقت أطفال عشان تصير عروسة ألعب فيها
::::
وش اكـثـرحلاوة كنـتي تحـبينها ..؟
حلاوة طوب
::::
وش اسم اولمـدرسه درستك ..؟
عائشة الله يذكرها بالخير
هـل كـنتيتـعانـين مـن اخـطاء فـي مخـارج الحـروف ..؟
أبدا كانت تطلعني قدام أقرا عند السبورة
مشكورين على الإستضافة وعسى ماطولنا عليكم
واختار بعدي ثمالية متألقة
__________________
|