رد: فنجال .. وعلوم رجــــــال .. !!
نعم وقف شاعرهم قائلا //
يا لله ياربي عليك التسانيع
ليا صكت البيبان بابك وسيعي
كريم يا برقن نخيله ورا الريع
بالقطر عنا يم واد النقيعي
أنا ليا مني بغيت المناجيع
عقب الليان اغصون قلبي صريعي
ياراكب اللي من سلايل مرافيع
اسداس حيلٍ ماتلاها الرضيعي
قطم السماري ماهوتها المراقيع
تاطا الحثاث وسبتهنه متيعي
يزوعن ليا بدأ الفجر تزويع
ولهن غذاي اليتاما وديعي
مافوقهن الا العيال البواتيع
طريحهم بالعج ماله منيعي
قدامهنه يسبرون المضابيع
وخلافهنه يسبرون الفريعي
باطرافها مثل السباع المجاويع
من خوف اهل ركبن عليهم يفيعي
اخذن من غدران حاذه قراطيع
من ما المطر ماهوب بدعٍ رجيعي
واليا بدن احلي كشب المقاويع
ادروا عليهن عقب مسراً شنيعي
اما تشوف مخضبين المساويع
ولا تشوف النار تلمع لميعي
وصدوا بهن عن البرود اللواسيع
وشبوب اهلهنه بسمرٍ خليعي
ودق البهار ونطع الكيف تنطيع
لين السوالف بين اهلها تريعي
وهن بروكٍ ف السليله مخاريع
للحيهنه باللواحي قريعي
ولفوا على شباب عيد المجاويع
الشاة حايل والمعزب بزيعي
سلم عليهم كل شخصٍ بترفيع
خص القروم وكل شخصٍ رفيعي
ون سيل عنا يم واد المريبيع
لا عيشةٍ زينه ولاماً نفيعي
اخيامنا مثل الطيور المواقيع
ون جاتنا القله غدينا مزيعي
والحي لابده يجي بالمراجيع
واللي دعاه الموت يقعد وضيعي
انتهت القصيدة بدون الإشارة للنساء .. البته !!
عندئذ .. صفق القوم له .. ولكن أحد الخبثاء وضع له كمينا .. !!
اتفق مع إحدى النسوة على أن تمر من أمامه من بعيد متوشحة
بالسواد .. لاختباره .. ويكون مرورها مع انتهاء القصيدة !!
وعندما مرت من بعيد أثناء تصفيق قومه .. شهق شهقة كبيرة
واستدرك قائلا :
هيم البطون مخضبات الأصابيع
نجل العيون وخل عنك القضيعي
القضيعي : العجائز !!
هههههههههههههه
خربها الشاعر / مخلد القثامي !!
غفر الله لنا وله ولجميع موتى المسلمين ..
والسلام ختام .
|