[منقاش]

شيخنا سلام سلمه الله وابقاه : على قول مشرفنا العام أنا بدأ الفار يلعب في سراويلي من كلامك , وابتديت أخرص في بعض علومك وتخامرني الشكوك وتراودني الظنون في مدى ولاءك لقداستنا , ويبدو والله اعلم ان ولاءاتك مقسمه لا الى هؤلاء ولا الى هؤلاء , فلا انت اللي افلحت مع المفلحين والتزمت بحلفنا ولا انت اللي طلقت المخاوي بالثلاث وتبريت منه ومن سكته , ويبدو يا ابن عمي انك تبنيت استراتيجة مسك العصا من المنتصف او استراتيجية الطاير (شبيه المخاوي) اللي ياكل مع الذيب ويصعق مع الراعي ..
استخدام القطط في هكذا حبكات اسلوب قديم متجدد مثل يوم جدد فيه هذا المبتعث السعودي اللي زعم انه راح يطلب العلم الى اللحد واتضح انه ما راح الا في طلب تمسيح ومساج القطط .
وقديم مثل حكاية الخاطب اللي اذا رغب يخطب من عند ناس ويطلب يد بنتهم يبدا بالمجي يمهم ويتصنع ما لا يستطيع من الكياسه واللطافه واللياقه , ثم يقول انا جاي يمكم حتى اشيل عنكم همكم واطلب الحسب والنسب منكم , واذا تبونها على بلاطه انا جاي يمكم ما هي رغبه فيكم ولا في قربكم وانما رغبه في قرب وملاعبة قطتكم , ثم في ليلة الدخله يجيب هاك العري اللي راسه بكبر الخمره ثم يتقادى ويعتزي ويملخ راس القط من رقيته باليد المجرده قدام قطتهم حتى ما عاد يجي بينهم لا قطقطه ولا غطغطه ولا نغططه الين ما تجيهم الحطحطه ..

شاعر حلفنا النجم اليماني سهيل : لا فض فوك وبيض الله وجهك فقد القمت المخاوي حجرا , وعرفت الرويبضه بحجمه الطبيعي حتى لا يروم بعد اليوم صعود الجبال ويبقى ابد الدهر في اقاصي الحفر مع فرايسه المفضله من الجرابيع وبقية القوارض اللي ما متنت كتوفه الا منها ومن برشومينا يا اهل الطايف ..

حليفنا العمده المقداد بن ألأسود : انتهينا انتهينا , واعتبر المخاوي من هالساعه ممنوع من المشاركه في هذا الموضوع , وان سمح له احد بالرد ولو بمداخله واحده اعتبرها بداية تشليح ابو عبدالرحمن من الشرافه وتسليمها لك او للفرزدق او لسهيل او للتهامي , يعني نسويها قرعه بينكم وكلكم ثقات عند ابو نقشه..
اما موضوع البساس فهذا حق مشاع يجي على طاريه من شاء ومتى شاء , واذا عندك والا عند ام كشعم (على فكره يا عمده هي ام كشكم من اي القبايل , عسى ما تكون من جماعة المخاوي؟) دليل من كتاب والا سنه يمنع جيبة طاريها فلا نقول عندها الا سمعنا واطعنا ..