[منقاش]

هلحين دوبك يبو نقشه فهمت ويش سدك يا جبل وانت طول الليل وانت تفكر وتضرب الأخماس في اسداسها , مره في المخاوي ومره في سالفة حمير الأهالي؟؟.
اهاهههه , هالحين دوبي اكتشفت سر المتاجره بالحمير , ودوبي اكتشفت سر الباكستانين اللي قبل كم من سنه كانوا وربما لا زالو ينصبون في الفخاخ والأشراك للحمير السايبه في حمى ثماله وفي وادي علق ,وينصبون على اهالي القرى اللي يمثلهم بينكم حليفنا العمده المقداد , وبعد تجميعها تجيهم اللواري والشاحنات الغريبه مع الناس المريبين وتحملها وآخر ما جاء عنها خبر والا طير عنها خبر.
وللأسف كنا كل ما سألنا واحد من انصار القريه (ربع العمده المقداد) عن سر هالمتاجره المريبه؟, وليه على الأقل ما تثور عندهم الحميه ويردون الباكستانين عن صيد حميرنا الأهليه اللي أصبحت وحشيه لا تكلفنا ماء ولا ضرمه ولو حتى لويه؟؟.
وكانوا كل ما سألهم سائل عن سر هالسوق السوداء للحمير الوطنيه ؟, يجي جوابهم خليط من السطحيه والنقمه على حمير السعوديه والغفله عن ثروه من ثروات الوطن المعطاء والمواطنين الأغبياء اللي تخطف ثرواتهم من بين اديهم وهم فاتحين افمامهم ولا يدرون عن السالفه ولا عن العلوم المخالفه..
تدرون ويش كان جوابهم ؟ , يقولون : الظاهر أنهم يودونها لبدو الشمال (يعنون جماعة المخاوي) حتى يسقون عليها والا يحتلبونها ويشربون حليبها لعلاج القحيزبان , ويش انت خابر احد يبغي بالحمير ؟..
خلها عساها تخلي الين ما يبقى منها ولا حمار وينقطع عنا نهيقها اللي تهايط به من قفانا على ظهور هالحدابان , خلها عساها بالمحقه اللي تمحقها , هذي مسرفه ومتلفه وياكم سرت على مزارعنا وخضرنا وقللت علينا بركتها , وياكم ديعت في قطرنا ووسط اوديتنا واغثتنا؟؟.
شفتم كيف كانت تجي اجوبتهم ؟ , وهالحين تفاجأنا ودوبنا اكتشفنا انهم يهربون حميرنا من حمانا وعلقنا لكوماهو الجاباني ونتنياهو الصهيوني ونحنا لا علم ولا خبر ويا غافل لك الله , وبعضنا بلغ يه الحال انه يتقحم البحار ويروح يدور عن فضل الله في اواسط آسيا وافريقيا وبقية اراضي خلق الله وتارك الثروه ورا ظهره لشريطية السوق السوداء...
اني ابو نقشه , وينكم يا المدافعين عن البيئه والحياه الفطريه ؟, وين الشيخ سلام ووين انصار البيئه ؟, ووين ابن همام داعية هدم المحاجي وتكبير الملاجي للحيوانات البريه والحمير الأهليه ؟, وين جمعيتنا الخيريه ووين اهل النخوه والحميه ؟ ..
هاهاااااه , يقولون يبغون جلودها ؟, ويبون يشحنونها متن السفن ويعذبونها ويجوعونها حتى تصل بجلودها لأنهم ما يبغون غيرها ؟؟..
والختام , من فضلكم ارفعوا هذا الشعار , لا لا لتهجير الحمير بعد اليوم , وان كان ولا بد فجحا اولى بلحم ثوره ونحنا اولى بجلود حميرنا ومستحضراتها الطبيه , والصهاينه واليابانيين ان كانوا رجال فنحنا رجال مثلهم وعندنا عقول احسن من حقتهم ونقدر نصنع من جلود حميرنا ادويه ومن مخلفاتها اسلحه نوويه , وخلوا سمننا يبقى ليديمنا وعسى الله يديمنا , وسلامتي وسلامتكم من بعدي.....