[منقاش]

حيا الله ابو وليد وحي الله علومه , وهذي الطبيعه الخلابه والا بلاشي .
بخصوص القبور وآثار النوق فلا تستغرب من الصوفيه القيل والقايل وابتداع المثايل اللي مالها سند ولا نصيب من الصحه .
والعمليه كلها أسترزاق واسترقاق للعباد وأفساد في البلاد وشركيات , واللي يورطون الناس في مثل هالضلالات مثل يوم ورطوا من قبلهم جيران جبل ابو هشيم (قبل ميات السنين) يكشفهم لك هالرابط , ولا ينبؤك مثل خبير :
http://www.thomala.com/vb/showthread.php?t=55179
والغريب أن بعض أهل هالمنطقه في عمان عرب أقحاح , لكن لغتهم ألأصليه اللي يتكلمون بها فيما بينهم ماهي عربيه , ولولا أن الجزيره ألأخباريه جابت عنهم برنامج أستمر لمدة ساعه كامله , كان ما صدقت أن جزيرة العرب فيها ظاهره من هالظواهر العجيبه والغريبه , وربما أنها لغه ساميه قديمه حفظتها عزلة أهلها...
اما الببايه (مذكرها بباي) فتقدر تزرعها في الطايف وتقطف ثمرها أذا لانت ملامسها , لكن أنتبه لا يغشك فيها أهل المشاتل كما يوم غشوا ابو نقشه من قبلك وأعطوه ذكارها .
وفي الختام , خذ حذرك من الناس اللي يتدخلون في أختصاصات غيرهم , ويرشحون لعمادة منتدى الرحلات ناس ما أحد طلبهم يرشحونهم , ولا وافق على ترشيحهم بدر الدجى وعرعرة المنتدى .
وحتى لا تكرر هذي التجاوزات الشاينه نذكركم أن عميد منتدى الرحلات المعتمد من قبلنا هو الرحاله حليف العرعره الشيخ ابو سيفين .
وخذوا في الحسبان أن أي واحد يتتن ما يمكن يرشح لمثل هالمنصب الحساس, وأن ترشح ما يمكن يعينه ابو نقشه في منصب من مناصب العماده , لأن الدخان شديد الضرر على صحة المراجعين والمجالسين ومهلك للعمد , ومؤكد أنه حرام ما عاد فيها كلام , والعمده اللي يتتن معرض في أي وقت لتلف الريتين وتدهور حالته الصحيه , وبدر الدجى ماهو فاضي بين فتره والثانيه يسير ماله شغل ومشغله ألا يعين واحد صحيح مكان ثاني والا ثالث عليل وثيابه بليل.
من الصور اللي شدتني يبن عمي صورة واحد من مقاني أبو نقشه , وهو الحمار أكرمك الله أنت وجميع القراء , وليتك سمته وعرفت لنا ثمنه حتى لو رغب أبو نقشه يستثمر في الحمير يروح جهة صلاله , والحمد لله على السلامه .