[رفيق دربه]

مناسبة اليووم الوطني 1431هـ مناسبة اليووم الوطني 1431هـ مناسبة اليووم الوطني 1431هـ مناسبة اليووم الوطني 1431هـ مناسبة اليووم الوطني 1431هـ

أجمل ما يقال

أصدق ما يقال

أعذب ما يقال

هو مايقال في حب الوطن






يقول الأمير خالد الفيصل:


لاح يــوم الـوطـن والعـــز لاح
وكلمـة الله علـى البيـرق تلوح

يــوم الاســلام يا يــوم الفــلاح
والـوطــن كـل روح لـه تـروح

فـوق الايمـان ركبـنا الســلاح
والمقابــيل بالخـافــق تبــــوح

الله اكبـر مثـل ضـرب الرماح
سيلت في خفى الباغي جروح








الأرض
بدر بن عبد المحسن

قالوا : البيت الحرام .. قلت : أرضي
قالوا : الشرع الإمام .. قلت : أرضي
قالوا : الحب السلام .. قلت : أرضي
قالوا : في مدحك نزود .. قلت : يفداها الحسود
ما على هالأرض ..أرض مثل أرضي

++++*
أانا من هالأرض .. أمي الصحراء .. أحضنتني رمالها
وأرتويت بطهرها .. أطعمتني تمرها .. وفرشت لي ظلالها
أنا من هالأرض اللي مال عيالها .. غيرها أرض

++++*
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

++++*
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
أمد لك .. زهرة خزامى .. وأمد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود







يوم الوطن
خالد بن عبيد الأحمدي


نضمت في يوم الوطن تسعة أبيات
ولـو جبـــت ميـة أعتبــرهـا قليــله

فـي وصفـها حبـه تشـح العبـارات
حبــر القلــم يفـنى ويفـنى عـديــله

هــو حضنــنا الدافـي لنا فيه فيات
فــيه الـذرا وقـت اللـيال المهيــله

والفضـل بعـد الله ولاهـي دعايات
للحـاكم الصالــح نشـيل الجميله

عبد العزيز اللي يحوش البطولات
نوفــيه حقــه حاجــتـن مستحيـــله

عـاش البلـد بعـده تطـور ونهـظات
والامـن هــذا مـا ليقــينا مثيــــــله

طــوى سجــلات الجــهل والعدوات
الشــعب واحـــد صــار كــنه قبيــله

اسس وطن من عقب ماهو تشتات
وثبــت حـدوده با لسيـوف الصقيـله

هذا هو الموجز و في تسعة ابيات
والتســع والمــيه صـراحـه قليـله








حب الوطن فطرة ــ قصيدة / ضد الفئه الضاله
لـ / عايض المعاوي


من له وطن ما شكى من القهر والــذله
يبقى سعيد(ن)وراسه في السماء عـالي

حب الوطن فطرة(ن)في قـــلوبنا نــــشله
] حب(ن)قديم(ن)وغالي يا وطن غــــــالي

يارب تحفظ بـلاد الـــــــــدين والــــــــمله
مكه وطيبه وفيها خـــــــير منزالــــي

تحفظ وطنا وأمانك نستـــــــظل ظــــله
يارب يا اللي خلقت الـــــــكون يا والــي

وحنا جنود الوطن لما حــصل زلـــــــه
الروح تفدى الـــــــــوطن والدم والـــمالي

بشر عدو الوطن لا شـــــــك بنـــعله
بـــــــــنزلزل الأرض تحت الرجل زلـزالي

يا موطني لوحصلك أزمـة وخـله
دونك من الشعب جـــــيش(ن)وأمن قـتالي

تاريخ الأمجاد يفخربه ويشهد له
شعب(ن)قــــوي الأراده في كل الأحــوالي

حنا سنان الوطن وســـــــيوفه الـصله
اسيوف هند(ن)تقص ارقــــــــــاب الأنـذالي

عهد(ن)علينا خلايا الـشر مـــنحله
بنحلها من وطـــــــنا الحر حــــــــل حــــالي

رح يا نديبي وبـــــــــلغ زمرة الــــــشله
قل الخليجي بري من جرم الأفــــــــــــعالي

الروح تزهق ودم الــــــــمسلم تــــــحله
وتروع اللي بداره آمن(ن)ســـــــــــــــــالي

أنتم فئه ياهـل التـــــــــخريب مــــــــختله
مختله أعقولكم منتم بـــــــــــــــــعقالي

أفكاركم مــــــــــــظلمه للشر مــــــــــندله
شيطانم وزكم في شين الأعـــــــــــــــمالي

تهدم عمار الديــــار اليوم وتـــــــــــــهله
في أرض الأمن والــــسلام وراحة الــــــبالي

أرض الجزيرة بلادي مـــــــثلها قــــــــله
أرض الــــفخر والبطوله وكر الأبـــــــــــطالي

ننكر فعل كــــل مسلم مايــــــــــخاف الله
ننكر بكل الصفات وكــــــــل الأشـــــــــكالي

أفــعالكم ياهل الــــــتفجير مـــــــــــــنسله
من فعل صهيون عدوي عبر الأجــــــــــيالي




منــــــــــــــــــــــــــــــقووول