[poem="font="Tahoma,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلا بك سيدي يامرحبا ترحيب سفطاني=يقوله من يحب المملكه ويحب قايدها
ياعبدالله يابو متعب واخو متعب وسلماني=بلادك تنتظر للطايره تاتي بموعدها
تراك انت الزعيم اللي غيابه مصدر احزاني=غيابه حزن وحضوره طنا الايام واسعدها
هلا بك ياحبيب الشعب والسكان من داني=هلا بك سيد النهضه وراعيها ورايدها
هلا بك يامحب الخير بالفطره والايماني=هلا بك يافخر دوله تحرى له ولايدها
هلا بك ياحكيم الفكر يامعشوق الاعياني=هلا بك ياكبير الدار والافعال زايدها
هلا بك ياربيع القلب والمنضوح الانساني=هلا بك والعيون امطار فرحه في تعددها
هلا بك عد ماساقت هبوب النود الامزاني=هلا بك فالقلوب اللي لكم تعلن تواجدها
انا ياسيدي قلته شعر والشعر مارواني=لحيث انته مليك وضيف من تسمو عوايدها
بعد ربي كساها اللون الاخضر سحر الالواني=وصارت سيده تزهو بفضل الله قلايدها
وشرفها بمكه والمدينه خير الاوطاني=ديارا ماتوفيها الحقايق في قصايدها
الا ياعون طيرا مايطير ابدون جنحاني=الا يامٍسعٍد اللي بالعنا تلزم وسايدها
الا يارادع الظالم ومرعب كل شيطاني =الا يانصرة المظلوم والنخوات سيدها
سلام الله على حضرة جنابك بين الاجفاني=سلام الله على عمرك وقمة مجد شايدها
سلام الله على دوله بها نايف وسلطاني=سلام الله على عدل البلاد ومن يعاهدها
سلام الله على الشعب السعودي عالي الشاني=سلام على شبه الجزيرة ومن يحددها
سلام الله على حكم الشريعة وحد شاماني =وعلى البانين ومثبت لدولتنا قواعدها
عسى منزله مع حمزة وخالد وابن عفاني=ومن سارو معه في جنةِ ربي مخلدها
صقورا في ليالي الخوف جادو عز واماني=وسادو في كرام الناس واقفها وقاعدها
وحلو معضلات الوقت والدستور قرآني=وهذي نعمة الله فالسعودية نرددها
اقوله في ختام القول ياثملان بلساني=عسى الله يحفظ ال سعود والبيعه نجددها