الفرق بين سواقة الحريم والرجال

[أميرة الاحزان]

الفرق بين سواقة الحريم والرجال الفرق بين سواقة الحريم والرجال الفرق بين سواقة الحريم والرجال الفرق بين سواقة الحريم والرجال الفرق بين سواقة الحريم والرجال

هناك عدت فروق مابين سواقت الحريم والرجال فيما لو ان الحريم ساقوا عندنا
وقلت خلني اسوي مقارنه مابينهم وصراحه طلعت بنتايج حلوه :
- مشاوير
الرجال الى: الدوام + البيت + البقاله + استراحة الشباب .
مشاوير الحريم: الكوفيره + المشغل + السوق + عزاء + عرس + حرمه والد.


- الاغراض المتواجده دائما في السياره :
في سيارة الشباب : شماغ على كرسي + عقال + مناديل معفنه+ قطف دخان ..
سياره الحريم :نقاب + طرحه + مناديل كلها روج + علك نستكه +كعب مكسور+ مجلة سيدتي.


- في تكاية الكرسي :
سيارة الشباب: اشرطة + بكت دخان + ولاعه + نشره+ مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط مليانه شعر + شباصات.


شنطة السياره :
سيارة الشباب: اوراق وكتب الجامعه + علبة فيري منكبه + معسله + ثياب من اخر طلعت بر .
سيارة الحريم: قاروره مقري فيها + مزيل عرق + فازلين + مرطب+ حبل غسيل +



السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه معاضد يوو تقولين كانها زوجها يغرف فلوس من بير؟



- اذا بيعبي بنزين:
الرجال : عب فل ياصديق!!
الحرمه : عب ب40 بنزين وبخمسه موية لقاح!!


- عند التقاطع :
الشباب :ما يطالع يمين ويسار الا نادرا .
الحريم :تطالع يمين ويسار 20 مره .



- اثناء السياقه :
الشباب : مّبعد الكرسي لين اخره كانه منسدح وهو يسوق .
الحريم : ملزقة مقربة الكرسي لين اخره كانها سواق لموزين.


اثناء الانتظار عند اشارة المرور:
الشباب : يلعب بخشمه ويحك حالة حال اول مايقوم من النوم.
البنات : تصلح شعرها.


- وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
الحريم : متشعبطه في الدركسون بشكل كانه طوق نجات.


- اثناء السياقه وجا بيسلم على صديق:
الشباب : يضرب بوري خفيف او كبسه او غمزه.
البنات : تعلق عالبوري , وتقول: سارا حبيبتي وش اخبارك



- اثناء كتابه المخالفه :
الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها .
البنات : بلييز الله يخليك لأهلك لا تعطيني مخالفه بليز بليز,, وهي تناقز .




- اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره


- اثناء السواقه و أحد السيارات حدك :
الشباب : اسفط على جنب يابن ال؟؟؟ انا اعلمك وش لون تسوق يا ولد ال ؟؟؟؟, وين العجره بس؟
الحريم : ياحكييييييييييير يا حكييييير ماتشوف زين , رح ياجعل ريح تنشبك في لمبه انشالله.


- اثناء التفتيش:
العسكري لشباب : الرخصه والاستماره ووقف على جنب وفك التظليله؟
العسكري للبنات : يلعن ام حياة الشقا وين اروح انا الحين ,روحي دربك خضر ؟


- اثناء السياقه واحد البزران يصيح :
الشباب : كل تبن ويالله انطم لا اوقف وامسطك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه ؟