_--**--_ يــا شـــيـــن فــــرقــــاك _--**--_

[حمزة العقيبي]

_--**--_ يــا شـــيـــن فــــرقــــاك _--**--_ _--**--_ يــا شـــيـــن فــــرقــــاك _--**--_ _--**--_ يــا شـــيـــن فــــرقــــاك _--**--_ _--**--_ يــا شـــيـــن فــــرقــــاك _--**--_ _--**--_ يــا شـــيـــن فــــرقــــاك _--**--_

أعتذر جدا جدا على الإنقطاع

لكن لعل هذه تشفع لي



الكلمة في بداية البيت هي ختامه أيضا
و ختام القصيدة ( آخر شطر ) و قافية (الشطر الأول) من القصيدة ( ألف - كاف ) لها معنى

العين هـلّـت دمـعـهـا يـوم مـمـشـاك :: و يا شينها لا دحدرت دمعـت الـعـيـــن


بعـديـن تعـرف وش كـثر حـرّ فرقاك :: و منهو يكفكف دمعة العين بـعـديــــن


وسـنـين عــمري كلها لك و شرواك :: ياما شريت ارضاك بدهور وسنـيـــــن


من وين ما ميّل هوا الحب مأخطاك :: إنشد خـفـوقـك وابل الحب من ويــــن


بيـن الوفا و الوصل قلبي ترى جاك :: تـبقى المحـبّـة دوم ما بـيـنـنـا بـيــــن


ثـنـتـين حـبّـك لي و بـسـمة محـيّـاك :: هي لـذّة العـشّـاق هـي بـس ثـنـتـيـــن


يا زين سجّ الفكر مع شخصٍ أغلاك :: و ياكيف تنسى سجّت الفكر يا زيـــن


هالحـين خـلّـك يهجـرك أو بـيـجـفاك :: شتان بين أوقاتنا أول و هالــــحـيـــن


سبعين طعنه في حشا شخصٍ أسقاك :: من شربة أهل الودّ بالكاس سبعيــن


الـطـيـن به مـيـزه ليا دست بـخـطـاك :: يحفظ أثـرك و ليتـك أنته كما الطـيــن


الـدين به مـيـزه ليا شخـصٍ أعـطـاك :: تـبـقى أسـيـره لـيـن تُـوفي له الـديــن


مخـطـين يا درب الردى لو مشـيـناك :: و درب الوفا لو ما مشيناه مخـطـيــن


داريـن دار تــعـزّ و أخـــرى تـوطّـاك :: و دار الردى عنها و أنا أخوك دارِين


أهــلـيـن يا طــيــفٍ تـأشّـر بـيـمـنـاك :: زيـارتـك ذا الـلـيـل تـسـتـاهل أهـلـيــن


حرفـيـن تـجـبـرني على دحـر الأفّـاك :: بين الألف و الكاف قول أنت حـرفــين

و سلامتكم




حمزة العقيبي ( لحــ إنصات ــظة )

[صقر قريش]

[الذيب]

حمزه
حمزه
حمزه
حمزه
لو كتبت اسمك بطول وعرض هذا المنتدى الشامخ لن يكفيك
صاحب وزميل
بيض الله وجهك
وصح لسانك مليون مره

ومنك نستفيد

[ابـــ عبد المجيد ــــو]

[جعبة الأسهم]

صح لسانك يا حمزة
كل يوم أزداد بك فخر وإعجاب

[فارس الكلمة]

صح لسانك
قصيدة ممتازة من شاعر
اروع

[المشتاق]

بيض الله وجهك
وصح لسانك يا حمزة

[أبو عبدالرحمن]

ما شاء الله تبارك الله

جمع الألفاظ والعبارت والتحكم فيها ببراعة ...تميز وإبداع منك يا شاعرنا

صح لسانك..وبيض الله وجهك,,,

[أبو رامز]

كلمات قوية ورائعة وننتظر الجديد يالعقيبي
تقبل مروري العاطر

[صائد الطيور]

ياسلام ياحمزة
لاتحرمنا ابداعك
ننتظر الجديد