عروس المصايف

[سلطان الثبيتي]

عروس المصايف عروس المصايف عروس المصايف عروس المصايف عروس المصايف

السلام عليكم ورحمة الله وبركاته

اقدم لكم هذه القصيده واللتي تتحدث عن محافظة الطائف (عروس المصايف) وهي كذالك ترحيبيه بالامير خالد الفيصل عندما ارسلتها اليه وردلي بخطاب شكر اليكم القصيده

[POEM="font="Simplified Arabic,5,black,bold,normal" bkcolor="transparent" bkimage="images/backgrounds/13.gif" border="none,4,gray" type=2 line=0 align=center use=ex num="0,black""]بعد هاضت أبياتي وغنيت قافين=في بنتٍ لها في القلب حبٍ وخفاق
لها في ضميري شان يزداد كل حين=وانا كيف ابنساها ليا لاح براق
ومرت سحابة صيف واسقت رياحين=وعمت ديار الخير والرب رزاق
وفاحت بريح الورد والعنبر الزين=تحرك مشاعر كل عاشق ومشتاق
ويوم اذكر الرمان وسط البساتين=وفيها العنب لامال غصنه بالاوراق
عروس المصايف يوم ناظرت بالعين=لها ينشرح صدري وبالي لها راق
وتاريخها مسجل في كل الدواوين=من ايام سوق عكاظ مشهور الاسواق
وقصر التراث اللي تشيد من اسنين=وسط حي شبره من على بابه اطواق
وغنا بها امير الشعر قبل ذلحين=وشاقه حمام شهار مع صبح الاشراق
وزاد الشرف لاهل الديار الوفيين =بعد جيت ياميرٍ على الخير سباق
وراعيتنا بالقلب والفكر والعين=ومثلك من اهل الطيب للبن ذواق
على منهج اللي جود الساس ماشين=على الشرع والمله مشينا على ساق
واقول الله يديم الامن قولوا امين=تحت ظل دولتنا وجيشٍ لها وثاق
وصلوا على محمد ختام النبيين=نبي الله اللي كل ماقال مصداق[/POEM]