أعطوا لأبو نقشه رايكم ؟.

[منقاش]

أعطوا لأبو نقشه رايكم ؟. أعطوا لأبو نقشه رايكم ؟. أعطوا لأبو نقشه رايكم ؟. أعطوا لأبو نقشه رايكم ؟. أعطوا لأبو نقشه رايكم ؟.

سلام عليكم يا أهل منتدى النكاشات , والله يصبحني ويصبحكم بالخير , ويكفيني ويكفيكم شر عيال الحرام وبنات الحرام , وبعد :
أبغيكم تنصتون لشايبكم اللي في منزلة أبوكم , وتفتحون له قلوبكم بعد تصغون له آذانكم :
ألأوله , يا عيالي , ربنا حذرنا من خطوات الشيطان , لأن الشيطان نستعيذ بالله منه من حبايله التدرج في أخراج العبد من طريق الهدايه , والله يسامح أبونا آدم عليه السلام اللي كان أول واحد ضحك عليه الشيطان بخطواته حتى أخرجه من الجنه وتسبب في شقاه وشقانا من بعده في هالحياة الدنيا , لأجل كذه قال المكاوي لمرته , لا تردين السلام على أحد من الجيران وانتي تمشين في الزقاق , ويوم زققها معها بكلامه ردت عليه وقالت ليه ؟, ويش في السلام اللي أمرنا به ربنا ؟ .
رد عليها وقال , أخرسي يا وليه , أنتي ما تعرفي أن السلام يجيب الكلام , والكلام يجيب الكيكي , والكيكيكي يجيب ......؟؟؟؟.
بكلام مباشر , لا بد من حاجز أدبي وخلقي وشيمي في تخاطب النساء مع الرجال والرجال مع النساء , ولا بد أن النساء تستشيم ولا تخوض في مواضيع فيها قلة أحتشام , وتذكروا أن نبيكم صلى الله عليه وسلم ما ترك فتنه أشد على الرجال من النساء .
الثانيه , على من تضحكون ؟, في عالم الغزل أكرمكم الله وعصم الله أعراضنا واعراضكم وأعراض المسلمين , العين لها لغه , والجسد بأيماءته له لغه , وكلام النت له لغه , ونوع الموضوع المطروح له لغه , ومعرف الكاتب والصوره لها رساله ولغه .
وخذوا مثال بمحدثكم أبو نقشه راعي الحمار , لو لي نيه أوزع رسايل مبدئيه تجذب الذبان والخنافس كان دورت لي معرف جذاب للحشرات , مثل العاشق الولهان , والا محب القمر, والا سكر , والا حلاوه طحينيه , والا شاطي نصف القمر , والا أسمر عبر ,,,,الخ , وانتم ماشين , ولكل واحد من معرفه اللي أختاره نصيب .
ولو لي نيه ماهي نظيفه كان أستخدمت لغة الصوره , وكان قشيت لي صوره من النت من الصور المتميعه أو الشبابيه الهبابيه على قول المصاريه وحطيتها تحت معرفي حتى أجذب بها الحشرات , لكن طالعوا صورتي أنا وحماري المنفره للحشرات اللي حاطها تحت معرفي , يعني , يا من تحطون صور نعرف مغازيكم , ونعرف عقد النقص اللي عند بعضكم ويحاول يعوضها ...
الثالثه , ألأناء بما فيه ينضح , والحشيم والحشيمه ما يكتبون ألا كلام حشمه , وأذا شافوا كلام فيه قلة حشمه ثاروا كما ثورة البارود , أو كما يوم ثار زميلنا حامل المسك وخوياه .
يعني , ترون الكلام أحيان حمال أوجه , وممكن الكاتب أو الكاتبه يكتبون كلام واحد من أوجهه بطال سواء قصدوه أو ما قصدوه ورايح يحسب لهم والا عليهم .
الرابعه , محدثكم ابو نقشه غلط في مرات عديده في الأستراحه , وغلطته ما كانت نصب شباك غراميه ورسائل غزليه , لا , بس اللفظ كان فيه عدم أحتشام , ولا قصر المشرفين حذفوا كلامه , والأعضاء وبخوه , وهو ما كابر وقال , أنتم ظنانين وغلطانين , لا , قال , أنتم على حق بس تروني ما أردت أوقع الضرر اللي وقع .
يعني , خلوا عندكم أقتدار على أصلاح ألأضرار, وأذا أخطا الواحد فيكم يرجع حالا عن خطاه ويتذكر الحديث القدسي : يا عبادي كلكم خطاءون وخير الخطائين التوابون .
والختام , بالله يا أخواني ويا أبنائي , فكونا من حركات نص الكم , أتركونا من المعرفات المتميعه , واتركونا من الصور المشبوهه اللي حتى ماهي لكم , واتركونا من العبارات المتغنجه اللي ربما حملت رسايل ماجنه أو داجنه مثل الحب وما الحب .
الخامسه , ترونا نعرف أن فيه طايشين تربيتهم ماهي جيده ينتحلون معرفات نسائيه ويتنقلون من منتدى للثاني ويرمون من هالشباك مره بنيه سيئه جدا ومره بنيه سيئه بدون جدا , كما لو تقولون , يختبرون خفاف العقول من ألأعضاء وينقلب الموضوع لرسايل على البريد التكروني وفلم هندي واحد من أبطاله الغبي اللي يحسب أن كل معرف نسوي لخنفسه ..
نبغي كتاب وكاتبات يكسبون أحترام غيرهم بثمرة فكرهم , أو بأدبهم وثمرة ألسنتهم حتى لو كان ربع سطر , ولا تنسون أنكم تمثلون أنفسكم وأهلكم أولا , وتمثلون ربعكم القبيله المشهوره بالشرف والغيره والشيم والقيم , القبيله اللي تحمي عرضها وعرض جارها وذمارها ولا ترضى بديوث والا دياثه بينها والا في ديارها .
وفي الختام , أوجه الشكر لأبو عبدالرحمن الرجل الحشيم الملتزم اللي تعب حتى وفر لكم هالموقع يبيه يجمعكم ويرفع من ذكركم , ولا يقدر يلم بكل صغيره وكبيره تكتب فيه ألا بتعاونكم معه مشرفين وأعضاء , وسلامتكم, وشكرا ..