حلم ..مع إيقاف التنفيذ ! للشاعر محمد أبو زيد الاسيوطي

[محمد أبو زيد]

حلم ..مع إيقاف التنفيذ ! للشاعر محمد أبو زيد الاسيوطي حلم ..مع إيقاف التنفيذ ! للشاعر محمد أبو زيد الاسيوطي حلم ..مع إيقاف التنفيذ ! للشاعر محمد أبو زيد الاسيوطي حلم ..مع إيقاف التنفيذ ! للشاعر محمد أبو زيد الاسيوطي حلم ..مع إيقاف التنفيذ ! للشاعر محمد أبو زيد الاسيوطي

حلم .. مع إيقاف التنفيذ!
للشاعر / محمد أبو زيد الاسيوطي

و بحاول أدور علي نفسي

وسط المخاليق

مش بلاقيني

وبدور تاني علي كياني

وفي أي طريق

علي ضي نهار

يثبت لي إن انا

عايش بحقيق

أو كلمة حب تبل الريق

طارت عصافير

الأحلام من أغصاني

معدتش تغني ولا تزقزق

ولا أي عبير

عاد يتصدق

ولا أي نسيم

ولا نغم الحب في الحاني

بيقول تقاسيم

وارجع تاني رغم التعيم

اللي في شمسي

اضحك علي نفسي

وأتبسم

وانده ع القمر

المتخبي جوه الدهاليز

بعد التركيز

بيرد صداة

حلملك مش قابل للتنفيذ

مش بستسلم

من بين كراكيب يأسي

بلملم

بعض الأفكار اللي أتخنقت

علي باب مقفول

وغرام في الروح اللي أتحرقت

وأمل مقتول

وبيتألم

من عزم الريح

وقصور أحلام

بدأت تنهار في ظلام الليل

اللي معتم

وأنا لسه برتل

قرآني

واقري التسابيح

وبحاول تاني أني

أنا ارسم

لوحة من الحلم

اللي أتهدم

تطلع شخابيط

والقي الوطاويط

علي كل جدار

غاوية التنطيط

لو خطوتي حاولت تتقدم

يتقطع الخيط

اللي ما بيني وبين

الأحلام

بعد المشوار

اللي ضانيني بلاقيني

جريح

مطعون بالسهم

اللي قتليني ميت مرة

زمان

وبحاول آخذ أنفاسي

يطلع دخان

بيخلي النار المكمورة

جوايا تشيط

وزماني يعيد نفس الصورة

والحزن شريط

غاوي التكرار مليون مرة

علي شاشة قلبي

اللي أتحرقت جوه وبرة

وأنا لسه شباب

وكلاب مسعورة

بتسابق

جوه السردايب

علي مين هيفوز

وأنا المنبوذ

مكسور وطريد

من جنة أحلامي

العالية لطريق العوز

اللي ماشيني

بالطول والعرض

مين يشرب دمي

في شراييني

ويصلي الفرض

علي روح أراجوز

مرمي

علي الأرض

ويحلي بلحمي

المجزوز

ومعلق

فوق الأبواب

ويبارك روحة المدشوشة

في رحاية القهر

وكرامتي المنهوشة

في كوشة وفي عز الظهر

بدأت تتزف علي

احلي عريس

علي سنفونية من الأحزان

يرقص وياي ويتراقص

دمعي اللي أتهان

من غير أحاسيس

علي لحن عذاب

مع صوت إبليس

مين فيكم بس القرداتي

اللي جايبلي اللوز

علشان اتنطط

قدامة

مانا لسه عبيط

وكمان كداب رغم التخبيط

اللي كاسرني

والهم اللي في سجنه أثارني

أنا مش مهزوز

لساني بعيش مفرود البوز

من غير كراميش

وبنام واحلم بمطر وسحاب

رغم التهبيش

بحلم والحلم لأمثالي

ولا باب ولا شيش

ولا حتى يجوز

وعشان درويش

انا حلمي بسيط

بحلم لو أكون

إنسان فعلا

من غير لا شروط

ولا أي خنوع

واغني نشيد الحرية

علي ورق التوت

وبصوت مسموع

بحلم بالفجر اللي بيدين

والضلمة تفوت

من غير لا رجوع

ولا حتي سلام

بحلم بسلام

عدل وقوة مش استسلام

وكمان مشروط

بحلم بوليد يحمل اسمي

من بعد الموت

بحلم بالقوت اللي يكفي

بحلم بوطن

يجي في صفي

ويعيش مبسوط

بحلم ويفوق

علي نفس الصوت

كفياك تعجيز

حلمك مش قابل للتفيذ

[سنا الهجرة]

حلمك يتحقق ان شاء الله يا أبو زيد

وصح لسانك .. يا شاعر

[صقر قريش]

روعة سلمت يداك ابو زيد

[محمد أبو زيد]

ادعو العلي القدير ان يحقق احلامنا جميعا
تحياتي
لمرورك وخالص الشكر

[محمد أبو زيد]

المشاركة الأصلية كتبت بواسطة صقر قريش

روعة سلمت يداك ابو زيد

سلمك الله ولك الشكر

[محمد أبو زيد]

[YOUTUBE]QAwkKC0PGok[/YOUTUBE]

[طبيب ج ـرآح]

صححححححححح لسانك دمت

[محمد أبو زيد]

دام وجودك اخي الفاضل
تحياتي

[السنافية]

قصيدة رائعة وراقية برقي كاتبها ومن جمالها عجزت ان أتركها دون أن أضع بعض استشفافاتي للنص والتي قد تخطئ أو تصيب.

قصيدة تحكي قصة صراع فردية وبحث عن هوية ضائعة (( وبحاول أدور على نفسي وسط المخاليق مش بلاقيني))
ثم الصراع النفسي المتذبذب بين الياس والأمل ((وارجع تاني رغم التعتيم اللي في شمسي اضحك على نفسي وابتسم ...))
ثم تحاول استرداد تلك الهوية المفقودة من خلال استدعاء بعض المصطلحات الدينية (القرآن _التسابيح) علها تكون شفيعة لاسترداد ذات مسلمة عربية لها حق العيش والظهور ولكن يبدو أن الضمير الجمعي والغائب أذاب وصهر معه ذاتا فردية فأصبح الشخص البسيط حائرا بدوامة الكل دوامة أكبر من أحلامه والتي قد تكون بسيطةفتجعله يبرأ من أبسط أحلامه في تكوين وطن مصغر بديل للوطن الأم الذي تخلى عنه ولكن سرعان مايعي أن الوطن المصغر أيضا غير قابل للتنفيذ...