يامسوق الجير(سيف بن غراب)

[النادر]

يامسوق الجير(سيف بن غراب) يامسوق الجير(سيف بن غراب) يامسوق الجير(سيف بن غراب) يامسوق الجير(سيف بن غراب) يامسوق الجير(سيف بن غراب)

السلام عليكم ورحمة الله وبركاته

اولا اعتذر عن انقطاعي الفتره الماضيه ومن يعرف اسرار الهواية لايخفاه السبب ومن لايعرف فاقول له هي الهواية تمتلك رجالها ..المقناص وحب الطير والحيا اللي طاح يمين ويسار وزيدوا عليها انه وقت البل اللي ينتظره راعيها

لكني جيتكم بشي من الحدث الذي سرقني منكم ولو ان هالسنه الحبارى شحيحه والوفقه ماش اغلى طيوري على قلبي(جذاب) مات من سادس يوم نقلته فيه من المربط وخبث البال ولا اخفيكم سر سيرت على واحد من اصدقائي له علاقه بالهوايه وكانت هذه القصيده من باب المداعبه والوصاة للعام الجاي وهوالاخ الكريم الفاضل(سيف بن محمد بن غراب الكتبي) رجل بكل ابعاد كلمة الرجولة وليس مستغرب على عيال الفلاحي

واليكم النص وان كانت بعض مفرداته من غير المالوف في السنتنا الى انه لسان حال المخاطب وضرورة الافصاح

[poem="type=1 title="يامسوق الجير" color=blue font="bold medium Tahoma, Verdana, Arial, Helvetica, sans-serif""]ياسيف يابن غراب يامسوق الجير=ابيك تنتج لي ولا لك مهونه
جيرٍ مثل جذاب عوق المعاشير=لاروحت تفريط هم يزهمونه
جيرٍ معا شاهين هذي المقادير=خلطه وركبها كثير اللعونه
من ماك روب اللي قليل التباشير=ترس مخابيه وزادت عفونه
سنتين وانا معه ماغير ماغير=ياماك يابن روب ابي تحجزونه
جيرٍ مع شاهين ابيض بتصوير=منطح وظهر وراسٍ تصورونه
وقياس عرضه وافيٍ لايجي صغير=والطول ماهمي لو تقصرونه
وخابر الاعيب الخباث المناكير=قبل يتم البيع لي تازنونه
وان سهل الله ثم تمت على خير=بصندوق شاش وقطنٍ تطرشونه
لدبي دار الحي دار المناعير=ولسيفٍ بن غراب ابي ترسلونه
بهك العوير اللي بذيك الدعاثير=بعد ثمان ايامن ايطيرونه
ياخذ حوالي الشهر بالجو تطيير=حتى يبان براس جنحه ليونه
وحتى يوالف جونا والمعاصير=والياجهز بعيونهم يشبكونه
وعيا يطاوعني عديم التدابير=يقول لي تبطي ولانته زبونه
زباينه في دار زايد طوابير=وش ماطلبنا فيه يبيشترونه
ناسٍ تحب الطير وتقدر الطير=واللي يجيب الطير هم يحشمونه
واليوم يابن غراب ماعاد لي غير=انخاك تنتج لي ولا لك مهونه
ماهمني وش مالحقني مخاسير=حتى ولوبعدي تسدد ديونه
اهم شي اني لياقلت اباسير=مقناص ماتلحق عظامي لدونه[/poem]
وهذا رابط توثيقي لهك العوير الخاص بالاخ سيف الغراب وعلى اليوتيوب مقاطع اخرى لكن هذا شدني اكثر
http://www.youtube.com/watch?v=MZRJK...eature=related