حنيتلك

[حسن حامد]

حنيتلك حنيتلك حنيتلك حنيتلك حنيتلك

[POEM="type=3 bkcolor=ابيض color=اخظر font="bold medium 'Simplified Arabic', Arial, Helvetica, sans-serif""]لن زاد فالنفس العنى منك يازين=منتني النفس الهنى والسكينه
وأن ضرني في ذا الزمن نقص او دين=دورتلي وسط الصحاري سفينه
وأن جيت ابكتبلك من الشعر بيتين=تاقفبي الأقلام عجز ودحينه
وان خبروني عنك قلت الهوى نارين=نار المحبه والمفارق طبينه
حنيتلك يامنيتي لو تحنين=على اللذي بالحيل فايض حنينه
هذي مقادير ولك اليوم عامين=ماشفتلك غير القمر تشبهينه
الله يردك كان قربي ترجين=والله حسيبك كان بعدي تبينه
ايه اللذي مكتوب لابد تقرين=فهمي دليل القول لاتحفضينه
ماني كذوب ولاسروق(ن) وتدرين=ولاني شرود(ن)فالعلوم السمينه
ولاني ذلول ولاجحود وتحاتين=علم وفطينه واقتدار ورزينه
رغم الظروف اللي تهد الموازين=ابدي واكابر وآتمدح وافينه
لاكن انا مقدر على اللي تقولين=ياكيف برضى والردا لي تبينه
ماعاذك الله مارقدت وتنامين= لابو سنين الحب لابو سنينه[/POEM]

[ما عندكم أحد]

وأن ضرني في ذا الزمن نقص او دين
دورتلي وسط الصحاري سفينه

هن ناقصات عقل ودين
صح لسانك

[حسن حامد]

المشاركة الأصلية كتبت بواسطة ما عندكم أحد

هن ناقصات عقل ودين
صح لسانك

والله انك في ديرة ومعنى البيت في ديرة
مشكور على المرور
لاكن وانا اخوك مايصير اللي قلته
اللي تتكلم عنهم اختي واختك وامي وامك
صح بدنك

[ما عندكم أحد]

المشاركة الأصلية كتبت بواسطة حسن حامد حميّد

والله انك في ديرة ومعنى البيت في ديرة
مشكور على المرور
لاكن وانا اخوك مايصير اللي قلته
اللي تتكلم عنهم اختي واختك وامي وامك
صح بدنك

أولا ابيك تحلف واقف اني في ديرة ومعنى البيت في ديرة بس بقوه اكثر
اما عن كلام نقص العقل والدين هو لأفضل الخلق إن كنت تجهل ذلك وإن كان معناه يختلف عن ظاهره
بس كشفت لي أنك شاعر وفحل

[مدهش]

صح لسانك ولا عدمناك

[شبيه الريح]

وان خبروني عنك قلت الهوى ناريننار المحبه والمفارق طبينه
صح لسانك يابو حامد
والبيت هذا عن قصيدة عزالله وابصم عليه بالعشرة

تسلم يمينك و لاتحرمنا من قصايدك في انتظار جديدك

[سنا الهجرة]

المشاركة الأصلية كتبت بواسطة شبيه الريح

وان خبروني عنك قلت الهوى نارين

نار المحبه والمفارق طبينه

صح لسانك يابو حامد
والبيت هذا عن قصيدة عزالله وابصم عليه بالعشرة

تسلم يمينك و لاتحرمنا من قصايدك في انتظار جديدك

صح لسانك يابو حامد وسلمت يمينك.. قصيدة جزله ومن راس جزل
بالنسبة للبيت اللي ذكره شبيه الريح جميل جداً تجلت فيه شاعريتك بشكل ملفت
لكن مثل ما يقولون الزين ما يكمل .. لان الشطر الاول فيه كسر واضح..
اتمنى منك اعادة صياغته .. حتى لا يفقد حلاوته بسبب ذلك الكسر

يعني مثلا لو انك قلت
وان خبروني عنك لي ميك نارين ..
هذا فقط كـ وزن وان اختلف المعني قليلا

والمعذره على ذكر ملاحظتي هذي . . ولكن لجمال القصيده حبيت ابين لك ما اراه

[أبو رامز]

صح لسانك....

[النجم الساهر]

صح لسانك يابو حامد

صور شعرية جيدة

ومفردة في تركيبها جزالة

والنقد الهادف يحقق الهدف

[حسن حامد]

المشاركة الأصلية كتبت بواسطة مدهش

صح لسانك ولا عدمناك

صح بدنك
مشكور على المرور