ظروف الوقت

[عيضه بن مساعد_البدوي]

ظروف الوقت ظروف الوقت ظروف الوقت ظروف الوقت ظروف الوقت

[poem="type=1 font="bold medium Tahoma, Verdana, Arial, Helvetica, sans-serif""]

لولا ظروف الوقت وأنتم تخبرون = وقت(ن) ظروفه غارت(ن) عقب غاره

لهدي بيوت الشعر للي يحكمون = والكل شيخ(ن) ميزته واعتباره

ماكل شيخ(ن) يشرح الكاف والنون = ولا قول بالشيخان قصر وقصاره

اختار من شفيّ رجال(ن) يسمون = والرجل يطلب يالعوارف خياره

واللي سليم العقل ماهو بمجنون = ماكل باب(ن) يطرقه فلعماره

طبيت مكه كما اللي يطبون = وصادفت ميقاف الزرى والقهاره

تكفون ياللي بالمشاعر تلبون = شوفوا دواي ولا يطول انتظاره

دواي ماهو مع حجيج يحجون = تاخذ وصاتي في نهار الحداره

يعل توصلها حدا اللي يطوفون = عقيد قوم(ن) حج ماهو صراره

زبن الدخيل وزبن من كان مفتون = زبن الشجيع اللي إن خنق من زراره

يابو محيسن لاتعذر وتقفون = والعود تعرف يبسته من خضاره

أصحابنا اللي تخبرم يطلون = راحوا كما من راح باول مساره

نخيتهم ماكنت أفكر يذلون = والذل فالرجال نقص(ن) وعاره

ونته طليق جناح منته بمسجون = فتش وتلقاني بحي القراره

أنا ورى باب(ن) مصكر بكيلون = وحرقت في دمي بشرب الصقاره

اربكم تبدون ولاّ تشوفون = وعطي على وقفة خويي بشاره

ارب تنقذني قبل مايغيرون = قبل جراز الحزم يطلع غباره

ابرجع الطايف عسى مايضنون = و ظن الردى صعب(ن) عليه انتصاره

ياراكب اللي من حفيزه ومضمون = يظمن ضمانه والوكاله شعاره

مطبق أرقامه خواجه وملعون = مطبق الهيكل على الاستماره

مشّه من الطايف ومشيك على الهون = والراكده تسلم سلمت الخساره

وقت العشا يوم الخلايق يصلون = مُر الحرم يعل تاخذ زياره

والصبح بدري والحذارى يلتون = مودع المسجد وذيك المناره

سيّر مع الساحل مع اللي يسيرون = تلقى نزول البدو أهل الحضاره

عن حالهم و حوالهم لا تِسَالُون = الزم يمين الخط واترك يساره

خلك بعيد أنظار مهما يقولون = ترى الحلا ماضده إلا المراره

منصاك عند اللي بضيفم يحيون = أهل الكرم والجود وأهل الوقاره

أبو حسين وطاري الناس يطرون = والشهر ساعه كافيه من نهاره

تلقاه في مجلس مشيد ومتقون = والبن ريحه زايد(ن) من بهاره

اعطه علومي مبغي الناس يدرون = والعلم كتمانه تراها شطاره

علم(ن) كما البارود بلقرن مخزون = واحذر ترى البارود يقدح من شراره

و لابد من يومين عنده تقيمون = يومين والثالث يصدّر قراره

يجود من عرفه والعوارف يجودون = ويرويك عِده من مصادر دياره

وانهض كما شيهان منته بمديون = واللي تجيبه مامعي فيه قصاره

وسلامنا مليون يردف بمليون = لهل الكرم والجود ماهو خساره

[/poem]

[سنا الهجرة]

صح لسانك وعلا شانك يابو مساعد

ما فيك حيلة .. ما شاء الله تبارك الله
الله يسهل لك أمرك ويقضي حاجتك

[أبو عبدالرحمن]

مرحبا بك يا عم عيضة

نسعد بتواصلك وحضورك معنا..
صح لسانك..

ولا عدمناك..

[سهيل2012]

صح لســــــــــانك ..

يازين شِعر الأولين ..

ويا طيب كلامهم !

[مخاوي الذيب]

ماشاء الله تبارك الله

يا أبو فهد

الله يعطيك العافيه

[حسن حامد]

صـح لسـانك
شـآعر كبير وتملك موروث نستفيد منه

[النادر]

ابو فهد (البدوي) مبطين من روائعك

اكيد المرسول مؤتمن ووصلها لكن لياجاك الجواب فعلمنابه

صح بدنك

النادر

[دفء الحنين]

يعطيكم العافية
قصيدة جميلة

[النجم الساهر]

صح لسانك يا ابافهد

وانت تمتلك قدرات وامكانات شعريه

وطرحها في الواحة ثروة ادبيه ينهل منها الجميع

[كشكول]

صح لسانك وعلا شانك