منقاش ما هو عزوة تطرونه

[شبلي أبو الونات]

منقاش ما هو عزوة تطرونه منقاش ما هو عزوة تطرونه منقاش ما هو عزوة تطرونه منقاش ما هو عزوة تطرونه منقاش ما هو عزوة تطرونه

عوذه
تروها ثارت قبل حزتها ولعل فيكم الناقد والا الصايد لكن سمعت ان فيه نية هدنه وان فيه نوايا تطبيع مع منقاش من ناس ما تملك الشور عشان كذه وقبل تغيب شمس اليوم الجمعة مثورها مثورها و انا كلي حماس للفتنه .

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشيخ شبلي يبدع القيفان = واليا بدع شبلي تجي موزونه
والشيخ شبلي حامي الحدان =ماهمه المنقاش واللي دونه
والله يامنقاش مالك شان = الا مع الخبلان والمجنونه
معروف بين الناس ياخوان = لوتدعي بالذمه المامونه
اشعلت نار الحرب بين أخوان= ماتدري إن الفتنه الملعونه
واللي مشوا في طرقتك عميان =يتحفظون الهرج ويعيدونه
يقلون منقاش الفتى الفنان = ليت أمهم ماجت بهم يقلونه
وش كان منقاش الخبل وش كان= شوفه على حماره يشيل شنونه
واليوم يتفلت على العربان = وده يخلي طاحنه ومطحونه
واليا بدى قال اطلب الديان = يرحم ويصلح كل من في كونه
وهناك حاك الخطه الشيطان = مع المريكاني ومع صهيونه
باع الحقيقه ونكس الميزان = وذر الرماد اللي عسى فعيونه
منقاش دايم للردى عنوان = عنوان وأهل البوق مايخطونه
يشهد عليه البدو والحظران = انه يبيع الجار لو يعطونه
يقول ماعندي وانا غلبان = وأموال كل الناس تحت سنونه
من باع دينه بالهوى خسران= يوم القيامه وجهه اسود لونه
ياللي مشيتوا في طريق فلان = منقاش ماهو عزوةٍ تطرونه
ماكنكم ألا قطيع الضان = ومنقاش يرعاكم ويومي بشونه
[/POEM]

[شبلي أبو الونات]

الان بعد ثارت نبونها هدنه هدناها معكم وان بغيتوها حريبه هي لمن بغاها حرب واقول لمخاوي منقاش تراها اخر مرة تقطع وعد والا عهد دون شورنا

[الشيهان]

الا بيض الله فيسك ياشبلي

ليس بيننا وبين المارقة الا الرشاش حتى نشوف عضامهم مشاش وروسهم طشاش من اولهم كبيرهم منقاش واخرهم سنا الهجره الهواش

صح لسانك مليونين ونصف المليون وان بغيت زدناك

[@ بن سلمان @]

تف عن يميني وتف عن شمالي
ما انت سهل ياشبلي شويعر ولا انت هين
لكن ما كنت اود انك تكون سبب في خرق الهدنه لا بارك الله في شيطانك

[الشيهان]

كان مقص الاشراف جاهز لولا معرفتي بالشله كامله
منقاش ,ابو عادل ،مخاوي منقاش ، مشاكس ، بن سلمان ، ابو امجد، بن عزاب ، بن داخل ، شبلي ، رويعي الغنم ،راعي السواني ،سنا الهجره وغيرهم مجموعه كلهم اصدقاء محبين لبعضهم مرحين في المزح لدرجه عاليه مع بعضهم البعض

[@ بن سلمان @]

المشاركة الأصلية كتبت بواسطة الشيهان

كان مقص الاشراف جاهز لولا معرفتي بالشله كامله
منقاش ,ابو عادل ،مخاوي منقاش ، مشاكس ، بن سلمان ، ابو امجد، بن عزاب ، بن داخل ، شبلي ، رويعي الغنم ،راعي السواني ،سنا الهجره وغيرهم مجموعه كلهم اصدقاء محبين لبعضهم مرحين في المزح لدرجه عاليه مع بعضهم البعض

أقول أهجد
الله لا يسلطك على مسلم

[المشتاق]

ما شاء الله تبارك الله يا رفيقي با شبلي
الحمد لله اللي ربي حقق لك مطلبك و صارت تهرج على فمك وغديت شاعر
ثم اني اتعذركم عن الغيبة الماضية والسبب المفتي حق المنتدى مخاوي منقاش سألته عن رغبتي في اني ابي احجج امي فقال من البر بها انك تحججها قبل الزحمة قلت يعني كيف قال هذا حنا في اخر ذي القعدة والمشاعر فاضية وسعه خذ امك قبل الزحمة و قبل تدخل المربعانية ويتغير الجو وابشركم خلصت يوم الاربعاء واسأل الله اني يتقبل مني ومن ميمتي الله يطول في عمرها والله انها ليل ونهار تدغي لمفتينا كانت بنت الحلال تشكي الزحمة

[أبو عبدالرحمن]

أشوفك بتجيب الغائبة!

لكن ما دام وضعت نفسك في وجهه الشيخ منقاش وأولياءه ..

فكبر على نفسك أربع

[منقاش]

يبن ونات يوم جنحنا للسلم رديتوها فلم
لكن الرد يبي يقعد وراك ما دمت في هالمنتدى حتى تخرج مع الباب اللي خرجح معه قبلك العمده الطرطور والأقزوز المجدور.

[alsewaidi]

الأخوان الأكارم يجب أن نلتزم بحدود شريعتنا الغراء في الردود وان لانخرج اي كلمة قد تودي لاخراج البعض من الدين ..... كقول ( خوارج )

قال ( إن العبد ليتكلم بالكلمة ، ما يتبين فيها ، يزل بها في النار أبعد مما بين المشرق )
الراوي: أبو هريرة - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 6477


اسأل الله لنا ولكم السداد في القول والعمل وأن يجمعنا جميعا في الفردوس الأعلى