الله يا ظبي(ن) يمشي على الهون :::: (( غــزلــيـــه )) من الإرشيف --

[حمزة العقيبي]

الله يا ظبي(ن) يمشي على الهون :::: (( غــزلــيـــه )) من الإرشيف -- الله يا ظبي(ن) يمشي على الهون :::: (( غــزلــيـــه )) من الإرشيف -- الله يا ظبي(ن) يمشي على الهون :::: (( غــزلــيـــه )) من الإرشيف -- الله يا ظبي(ن) يمشي على الهون :::: (( غــزلــيـــه )) من الإرشيف -- الله يا ظبي(ن) يمشي على الهون :::: (( غــزلــيـــه )) من الإرشيف --

salam:

اليوم جايب لكم قصيدة غزلية من الإرشيف عساها تعجبكم

تفضلوا

[poem="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الله يا ظبي(ن) يمشي على الهون = فيه الحلى و الزيـن مسبل ثيَابه

أ ُبو شِفايف مثل عِـنّاب فاللون = و السن ياخذ من بياض السحَابه

لا وا هني الكحل في وسط الإعيون = يصبح و يمسي ما شَعر بالكآبه

أبو خدود(ن) ما لها مثل فالكون = عذب ضميري بعد قلبي غدَابه

بالله يا قوم و شلون وشلون = أبوصف الغالي و لذة عذَابه

و إن كان خِلّي يكتب الحـب باللون = ترى عروقي جاهزه للكـتابه

و إن كان عنده شك فالقلب عربون = و إلا الجسد كله دليل الصّـبابه

لا هنت ياللي ساكن و سط الإجفون = ترى سكنك اليوم عز و مهابه

لا تشتري غيري و لو جاب مليون = ترى الغلا فالقلب محد(ن) درَابه

و ترى الغلا وادي به زهور و عيون = ومن ضيع الطرقه يضيع بشعابه

و إن كان ناوي الغدر لاهنت مغـبون = ترى الغدر سلّم هلك من رِِقَابه

من لاعَب الذيب يا خِل مجنون = عدابه الذيب و عضه بـنَابه

و ختامها بقولها أنت مزيون = إلا الحلى و الزين جمبك خَـرابه
[/poem]

أسعد بنقدكم و ملاحظاتكم

.

[أبو عبدالرحمن]

العشق يريد أن يضع علينا شعراءنا..

يعطيك العافية..أسلوب جميل ..ورقة في ألفاظها..

وصح لسانك... لاعدمناك ..ولا عدمنا قصائدك

[الشيهان]

صح لسانك ولاتحرومنونا الجديد خصوصا الغزل لاني اشوف شعراء المنتدى لاهين عن هذا الفن وهذا لايعيب الشاعر ابدا طالما انه عذري

[محمد بن حميدان]

ماشاء الله عليك صح لسانك يا شاعرنا وعساك للقوة

[ســراج بن عمر]

يعطيك العافية يا أبو عرب ماقصرت والجايات أكثر ان شاء الله

[الفين]

يعطيك العافيه جميله يا (لحــ إنصات ــظة ) نترياك فالقادم

[سنا الهجرة]

المشاركة الأصلية كتبت بواسطة الشيهان

صح لسانك ولاتحرومنونا الجديد خصوصا الغزل لاني اشوف شعراء المنتدى لاهين عن هذا الفن وهذا لايعيب الشاعر ابدا طالما انه عذري

لا تقول يالشيهان ترى ان فتحت هذا الباب ما عاد سكرته وانا أولهم خل بالك ولو انها راحت علي

لكن مثل ما يقولون القلب أخضر


صح لسانك يا شاعرنا وسلم بنانك والله الله بالعذري

[ثمالي شمالي]

شكلك تحب لك حورية


ماشاء الله عليك مبدع وقصيدة جزلة



وفالك البيرق . . ! وفالك الجنـــة ..!!

[ابو عادل]

صح لسانك و ماشاء الله عليك
واصل فمن حسن الى أحسن ان شاء الله.

[@ بن سلمان @]

شفت فوائد الذاكرة اللي ما تضيع
(لحــ إنصات ــظة ) أو حمزة العقيبي
إرشيفك لا يقل جمال عن هذه
يعطيك العافية ولنا ان نفتخر فيك