واهني اللي ورث له مكينه

[مجنونها]

واهني اللي ورث له مكينه واهني اللي ورث له مكينه واهني اللي ورث له مكينه واهني اللي ورث له مكينه واهني اللي ورث له مكينه

من منكم اللي ما تمنى يورث له مكينه , ومن منكم اللي ما طلع الديرة ودعبس في بيوتهم القديمة وغرضان أهله لعل وعسى يلقى صندوق الحظ .
وللعيارة واللي يحبون المزح نصيب يحضون به من مغفلي الاشاعات والركض وراء الأوهام
هذه مساجلة بين شويعر وشويعر والأول يملك مكينة عليها صورة أسد والثاني على مكينته صورة فراشة .

الشويعر الأول يقول :

[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أواهني اللي ورث له مكينة = أو ليتني خياط ومحصل فود
يوم المكينة صارت آله ثمينه = والناس صارت بين ناشد ومنشود
اللي لقاها مرضيين والدينه = ومن سعد حظه كنه اليوم مولود
وراع الفراشه صاح والله غبينه = وراحت حياته كلها لهود بلهود
وراع الاسد يضحك وطابت سنينه = من عقب ما هو ضايق الصدر مقرود[/poem]



رد الشويعر الثاني :
[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راع المكينه فارق النوم عينه = اشاعتن لعبها كل نمرود
لا واهني اللي غنيه يدينه = ماردته سود الليالي عن الجود
يمناه قد الاوله والسمينه = ما عاش عيشة قل والدخل محدود
جده ترك لبوه حملة سفينه = وعمارتين بمكة وست بالعود
ولقي بهن في كل وحده خزينة = من عملة الباشا ليا عملة بن سعود
من طلعته في عز ومخيرينه = بي أم والمارسيدس والرنج موجود
ما امسى عليه الليل نفسه حزينه = ولا عاش في دنياه بالحمل مضهود[/poem]

[حاكم الشوق]

ههههههههههههه

تسلم والله

[أبو رامز]

عايشين على الاشاعات صح وإلا لا

[مجنونها]

المشاركة الأصلية كتبت بواسطة حاكم الشوق

ههههههههههههه

تسلم والله

بارك الله فيك
سالم وغانم أيها الحاكم وممتن لحضورك

[مجنونها]

المشاركة الأصلية كتبت بواسطة أبو رامز

عايشين على الاشاعات صح وإلا لا

بارك الله فيك
وأنا قريت لي إشاعة إنك صرت مشرف
مبارك عليك وبالتوفيق

[سنا الهجرة]

هههههههههههههههههههه حلوه .. بس اللي باين عليهم انهم شعار بدون تصغير


يعطيك العافيه

[مجنونها]

المشاركة الأصلية كتبت بواسطة سنا الهجرة

هههههههههههههههههههه حلوه .. بس اللي باين عليهم انهم شعار بدون تصغير


يعطيك العافيه

بارك الله فيك
لا تحملهم إثم وتهمة

[ابو غــرام]

يعطيك العافيهــ