الفية مجالسي

[خلف بن عبدالعزيز الثمالي]

الفية مجالسي الفية مجالسي الفية مجالسي الفية مجالسي الفية مجالسي

[poem=font="Arial,4,#000000,normal,normal" bkcolor="" bkImage="" sdImage="" border="none,4,#000000," type=3 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
يا الله يلي سقتها في سماها=برّاقها يبرق و رعده وراها
ذعذع هواها قبل ماهل ماها=تهله علينا
يسقي الديار المسْنيات المجدّب=حتى العرب والطرش والعود يشرب
نطلبك يارحمن ونقول يارب=تحقق دعانا
واغفر ذنوبي اللي مع الوقت حلت=والتوبه اقبلها ترى العين هلّت
وارحمني يارحمن رحمتك عمّت=على المسلمينا
الله يديم الحكم وارث لوارث=في نسل آل سعود ياخير وارث
فهد وعبدالله وسلطان ثالث=وتحفظ وطنا
قوم ياوليد اسمع وصاة المهرّج=مادمت انا يابوك عايش ودرّج
اعمل بها واخبر بها اللي مسرّج=ومن هو ذهينا
الله خلقك لشي باين موّضح=ماهو على شان انت تسرح وتمرح
والوقت ضيّق حظ من فيه ينجح=مع الناجحينا
تقواك بالله ف كل لحظه تورّخ=صل الفروض الخمس لله وارضخ
من قبل يوم يجيك لا بُو ولا أخ= ماغير المعينا
وان حل شهر الصوم صل وتهجّد= واعط بيمينك لا يشوفك ولاحد
واحفظ كتاب الله رسالة محمد=من الشافعينا
والحج عجّل فيه من قبل توخذ=واحذر يجي في الحج زله وماخذ
يغفر لك الله الذنب لو هو مشذّذ=طوال السنينا
وخلّك رضي في الوالدين و بَهم بُر=واحسن لهم بالذات لا طوّل العمر
أوصيك أنا يا بوك بالعلم والأمر=رضى الوالدينا
جَوّد لذِرّك خال طيب معزّز=لا تقرب البيت الردي والمقزّز
حتى ولدك يجيك حي يتفزّز=وعقله رزينا
الله أمرك بوصل الارحام والناس=زور المريض وقول ياصاح لاباس
انت مؤسَس ياالسنافي على ساس=وساسك متينا
وبيتك وانا بوك اعمره وافرش الفرش=والضيف عَشّه لو تدوّر له القرش
سولف معه حتى يروّح منعنش=وخَلك فطينا
وان جيت تهرج خل هرجك منصّص=معقول صادق فيه ماهو مملّص
الناس تنقد لجل فيها مقصِص=يقص اليقينا
وان جيت تمشي يالسنافي على الارض=إلزم أدبك وللبشر لا تعرّض
من زل ياكلها ف وجهه وينرض=يروّح مهانا
وان كان وِدّك بالخوي في السفر حُط=واحد وسيع الصدر يقدم ويقلط
ماهو بحموقي كل لحظه يلطلط=يقول لك رجعنا
لاحظت أنا يوم اني افكر والاحظ=ان العرب حبت حسين الملافظ
واللي حسين اخلاق مع طيّب الحظ =مع العاقلينا
وان حل بك لاقدّر الله مواجع=لا تقعد تصايح تهل المدامع
سايس امورك لين تهدا اللعالع=وحقك يبينا
واحذر من الانذال واللي يبالغ=مافيهم اللي جاك بالعلم دامغ
والا البخيل ابعد عنه اللي يشالغ=ووجهه مشينا
عز نفسك ياوليد وتعفّف=عن مدهل الخبلان واللي ملقف
ولا تكبّر ثم تغدي مصفّف=ولا لك يمينا
من لا يشوفك خير جازه بلفراق=يلقى شبيهه اللي معه طاق طرباق
والا انت تلقى لك مع الوقت صدّاق=من الصادقينا
خلك غيور وحس باهلك وربعك=ولا تشد العلم ياذيب ينفك
ولا تفرط في حلالك وحقك=توسط ولينا
الوعد تمه ومخلف الوعد يرحل=واللي معه وجهين لاعنه تسأل
ولا تقول السر للي مخلخل=وسرّك دفينا
لا يخدعنّك ياوليد المزمّم=تراهم الفتنه وشَهدٍ مسمّم
عنهم رجال أقفوا لك الله معمّم=حرامٍ ودَينا
ماكل من يضحك من الناس متقون=السن يضحك والخوافي لها لون
اعرف خفاياهم من الوجه والنون=ومافي اليدينا
والعلم خير ونور للي يجله=لابد تتعب لين تلقى محله
وليا لقيته اصبر عليه لا تمله=ترى العلم زينا
وليا لزمك الامر سوّه على التو=لاتختفي والا تطشه مع الجو
تندم ولا ينفعك ياليت يالو=يزيد الونينا
والختم صلوا ياجماعه واصلي=عد البروق وعد نجمٍ يطلي
على النبي المختار من خير نسلي=سِيد المرسلينا[/poem]